JOHAN 8:52 - PATHIEN LEKHABU THIENGTHO (BSI)

⁵² Chun, amau chun a kawmah, “Thitha vawp na hi tih tu’n ka he tau hi! Abraham a thi ta a, thiemgaute le a thi tau a, himahleh, nangin, kuo’nle, ka thu a zawp chun thihna mel mu puo’n au na ti nalai a.

JOHAN 8:52 ပူးပေါင်းရင်းမြစ်များ

HEBRAI 2:9

Himahlele, Isu chuh, Pathien hehpihna zieka mitin a dinga thi a hih theihna dingin, chawmkhat sung maia dingin vânsâwlchâkte sanga nuoinung zaw deuha siem in I muu hi. Tuhin vang chuh, thihna thuokna zieka lopina leh limbawlna lallukhuk chuh khuk saka um in I mu zaw tau ahi.

JOHAN 9:24

Khutichun, mitdûkpa chuh a vel sap kit u a, a kawmah, “Pathien pakchah! keihaw’n vang zie pa kha migilo a hi tih ka heu hi!” a tiu a.

JOHAN 8:48

Judate chun a kawmah, “Samari mi, thitha vawp na hi, ka hun tih u khah, ka gen dik zet uh hi na lo maw?” a tiu a, a dâwng u a.

HEBRAI 11:13

Ziete haw chengcheng chuh taksanna nei in a thi tau a, Pathien thil tiem haw chuh chang lo in; himahlele, ziehaw chuh gamla tak apana mu’n, a na lawp tau a, leia hin malzin leh khuolzin viel mai a hih uh a kigendawk tau a.

JOHAN 8:51

Thudik tak ka hun hilh na hiu hi, kuo’nle, ka thu a zawp chun, thih ni mel mu puo’n a,” a ti a.

MATTHAI 11:18

Johan chuh a hung a, nelo dâwn lo ahi a, ‘Thitha guol nei ahi hi’ a tiu a.

JOHAN 1:19

Chun, Judate’n, “Kuo na hi?” ti a dawng dinga, Jerusalem khuo apat a thiempute leh Levi chi laka mi a sawl lai u khan ziehaw hi Johan thu na hetsak chuh ahi:

JOHAN 7:20

Mipite chun, “Thitha vawp na hi hi! kuo a nang hun thah guo?” a tiu a.

JOHAN 8:22

Chun, Judate chun, “Ka chiehna ding ah hung thei puo’n lau, a tih hi amah kithat ding a hi die?” a tiu a.

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

JOHAN 14:23

Isu’n a dâwng a, “Mi’n ei hehpih chun, ka thu zawp intin, ka Pa’n amah chuh hehpih ina, tichun, a kawmah hung ing ka ting un, a kawmah um zing ung kau.

JOHAN 15:20

‘Suok, a pu sangin a lopi puoi’ tih ka hun hilh na hi tau kha, hezing un. Amau in kei ei bawlsiet tâk u chun, nang haw le hun bawlsie’n au; ka thu a zawp tak u chun nang haw thu le zawp un au.

JOHAN 17:6

“Nangin khawvel apat a mi nei piek dawkte kawm achun na min ka sulang tai. Amau haw chuh nanga ahiu a, nangin kei nei piekte ahi ngâl u a. Amau chun na thu a zawp tau hi.