JOHAN 8:44 - PATHIEN LEKHABU THIENGTHO (BSI)

⁴⁴ Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

JOHAN 8:44 ပူးပေါင်းရင်းမြစ်များ

NASEPTE 13:10

“Nang, mi lepbawlna diklo leh zakdah-um tin chenga dim pa! nang Diabol chapa! nang diktat tin cheng ma chuom pa, Lalpa lampi diktak haw hi suksiet hai lo ding maw?

1 JOHAN 3:12

Kain, migilo laka um, amah suohpih Abel thatpa guola khah um lo in. Bang zieka a thah ahi ta leh? Amah thil hihte a phatloh ziek leh, a suohpihpa thil hihte a phat ziek ahi.

2 KORINTH 11:3

Himahlele, gul in a chit gukhahna a Evi a thep guol khan, na lungthim ngaihtuohna teu chuh, bang-em ti’n, Krista kawma bukim tak leh thiengtho taka na kipiekna teu chuh suksiet in um kha’na tih ka lau hi.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

JOHAN 8:38

Ken, ka Pa kawma thil ka muh te chuh ka gen sek a, nangun. le na pau kawma thil na zak u chuh na hih sek ui,” a ti a.

JOHAN 8:41

Nang haw vangin, na pau thilhihte chuh na hih sek uh ahi,” a ti a. Chun, amau chun a kawmah, “Zawlcha a pieng ka hi puou a, Pa khat mai ka nei ui, Pathien ngêi chuh,” a tiu a.

1 JOHAN 3:15

Kuole, a suohpih haw ta chuh, tuolthat ahi. Tuolthatte kuomah kumsawt a hinna chang a um puou hi tih na he ngâl uh a.

MATTHAI 13:38

lo chuh khawvel hi ahi a, chi pha haw chuh gam chate ahiu a; buh lêm haw chuh migilo chate ahiu a.

JUDA 1:6

Chun, vânsâwlchâkte’n, amau sawlchak hihna kivawp lo a, a chênnau taihsan zawte chuh, Ni lopi, vaihawmna a dingin, khawthim nuoi ah, kumkhuotuong kânna a chuh kân sa’n kawih ahi tai.

1 JOHAN 2:4

A thupiekte zawp sam lo in. “Amah ka hêi,” ti chuh mi lepchieh ahi a, amah achun thutak a um puoi.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

THUPHUON 9:11

Chun, Thampikuo-âwng sawlchak chuh a chunguh a lalpen in a nei uh a, a min chuh Hebrai pau in Abaddona ahi a, Grik pau in, Apolluona ahi. (A umzie chuh, “Sumangthaipa,” tihna ahii.)

NASEPTE 5:3

Himahlele, Peter in, “Ananias. Thagau Thiengtho thêm ding leh, lei man abang îm dingin, bangati a Setan in na lunggil a sukdim a?

1 KHANGTHUBU 21:1

Chun, Setan chun, Israel chate chunga buoina siem a nuom a, tichun, David chu mi sim nawpna lungthim a neih sak ta a.

JOHAN 6:70

Chun, Isu’n a kawmah, “Nanguh sawm le nih te hi, keimah tel hilo na hiu hi? Na lak u a khat Diabol a hih kit kit tawh!” a ti a.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

2 PETER 2:4

Chun, Vânsâwlchâkte’n thil a sukkhelh lai uh khan, Pathien in a hâwi puoh a, gawtmun ah a paih lut vek a, a chungthuu chuh vainung leh tan sak dingin a sit a, kawkhuk thim ah a khum tai.

THUPHUON 13:14

Sahang masa mitmuh a melchikna hih dinga phalsak a a umna kha mang in, mi chengcheng a thêm sek a. Sahang, chemzâma liemsa, hung dam kit pa limbawlna ding chun, amah lim a siem dinguh a hii, ti’n a hilh sek a.

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

JOB LEHKHABU THE BOOK OF JOB 1:11

Ahih leh, tuhin na khut thadawk inla, a neih chengcheng hi vak khawih sak tie, na maikawk ngêi ah hun gensie mai ina,” a ti a.

1 LENGTE 22:22

Chun, Lalpa’n a kawmah, ‘Bangti’n na thêm die?’ a ti a. Amah chun, ‘Va chieh ing ka ting, a thiemgauteu mûk a khun thagau lepchieh va hi’ng ka ting,’ a ti a. Lalpa chun, ‘Va thêm in na tin, lawh le lawh ting inla; va chieh inla, khutibang chun va hih in,’” a ti a.

MATTHAI 12:34

Gûl suonte haw! bangti’n a gilo zing puma thilpha na gen theih ding uh? Lungthima dimlet chuh kam in a gen dawk sek a puo!

MATTHAI 13:15

Zie chite lunggil hi a na ngui zo ta a, A bil u le a na ngawng ta a, A mit uh a sing u a, Khutilochun, I mit un mui ting uh; I bil un zai ting un, I lunggil un he kit hi ting uh, Kihei kit hi ting un, Ama’n ei na sudam khan a ie!’ a tiu a, a tih kha.

JOHAN 7:17

Kuole, Pathien deih bang hih nuom ta chun, ka thu sinsak hi Pathien apat ahim, keimah thu a gen ka him, tih he’nau.

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

1 JOHAN 1:8

“Gitloh ka nei puoi,” I tih uh chun, eimau leh eimau kithem I hiu a, thutak chuh eimau ah a um lo ahi.

1 JOHAN 2:21

Thutak chuh na het loh ziekuh a ka hun zik a hi puoh a, na het ziekuh leh, Thutak achun lepchieh bangmah a pawt kha puoi tih na het ziekun ka hun zik zawk a hii.

NASEPTE 24:9

Chun, Judate chun le, “Zie chuh thudik ahi,” ti’n a panpih tau hi.