JOHAN 8:42 - PATHIEN LEKHABU THIENGTHO (BSI)

⁴² Isu’n a kawm u ah, “Pathien na pau a hih chun, nangun ei hehpih ta’n lau; Pathien kawma pawt leh, a kawm apat hung ka hi ngâl a. Keimah thu a hung ka hi puoh a, ama’n ei sawl zawk ka hi.

JOHAN 8:42 ပူးပေါင်းရင်းမြစ်များ

JOHAN 12:49

Ka phuok kawma ka gen ei puoi, Pa ei sawlpa chun ka gen ding leh ka hilh ding chuh thu ei piek zawk ahi.

JOHAN 14:10

Kei Pa a ka um leh, Pa keimah a um hi tih gingcha lo na hi maw? Na kawm u a ka thugen hi, keimah phuok kawma ka gen ei puoi; Pa chuh keimah ah a um zing a, zie chun thil a hih zawk sek a hii.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

MALAKI 1:6

Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

1 JOHAN 4:14

Chun, Pa’n a Chapa chuh khawvel hukdampa dingin a hun sawl hi tih keihaw’n ka mu tau a, mi dangte ka hilh sawn uh ahi.

JOHAN 5:43

Ka pa thu a hung ka hi a, himahleh, nang haw’n nei lawp puou hi; mi dang amah thu’n hung leh, amah chuh na lawp unlau.

1 KORINTH 16:22

Kuo’n le, Lalpa a hehpih loh chun, hansie dawl in um hen. (Anathema) I Lalpau chuh a hung hi! (Maranatha)

JOHAN 3:17

Pathien in khawvel mawhchansak dingin a Chapa khawvel ah a hun sawl puoh a, amah zieka hukdama a um theihna dingun a sawl a hi zawi.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

GALATI 4:4

Himahlele, a hunbi a hungtun khan, cha hihna I muh theih na dingun.

JOHAN 8:14

Isu’n a kawm u ah, “Keimah thu hetsak hi leng le, ka thu hetsak a dik ahi; ken ka hung kipatna leh, ka chiehna ding chin le ka hêi. Nang haw vangin, ka hung kipatna leh, khawia chieh ding ka hih na he ngâl puou a.

JOHAN 13:3

Isu’n, Pa’n thilhih theihna bukim a piek dân te. Pa kawm apat a hung pawt leh, a kawma chieh kit ding ahih dante chuh a hezing a.

JOHAN 16:30

Nangin bangakai na he a, kuomah hun dawt na ngek puoi, tih chientakin ka he tau hi. Zie ngêi chun. Pa apat a hung na hii tih ka gingcha tau hi,” a tiu a.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.