JOHAN 8:41 - PATHIEN LEKHABU THIENGTHO (BSI)

⁴¹ Nang haw vangin, na pau thilhihte chuh na hih sek uh ahi,” a ti a. Chun, amau chun a kawmah, “Zawlcha a pieng ka hi puou a, Pa khat mai ka nei ui, Pathien ngêi chuh,” a tiu a.

JOHAN 8:41 ပူးပေါင်းရင်းမြစ်များ

ISAI 64:8

Tuhin vang chuh aw Lalpa, nang chuh ka pau na hi a, kei u hi bellei ka hiu a; nang chuh keihaw ei dengpa na hi. Zieziekchun, ka bawn u hin na khutsuok ka hiu hi.

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

JOHAN 8:38

Ken, ka Pa kawma thil ka muh te chuh ka gen sek a, nangun. le na pau kawma thil na zak u chuh na hih sek ui,” a ti a.

ISAI 63:16

Abraham in kei uh ei na helo in, Israel in kei uh ei na limsak kimahleh, Aw Lalpa nang chuh ka pau na hi a, na min chuh malai apat a kei uh ei Tandawkpa na hi.

MALAKI 2:11

Juda mite chun Pathien kawma a thutiem u chuh a bawhsie tau a, a gamsung pumpiu leh Jerusalem a chun thil ten um tak a hih tau a. Tichun Lalpa’n a deih mah mah Ho-In chuh a hihbuok tau a, pasal te chun gamdang numei– pathien chanute chuh a kichênpih uh a.

MALAKI 1:6

Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.

JEREMIA 31:20

“Ephraim chuh ka chapa deihtak, ka cha ngaih-um tak a hih ziek ahim? Amah ka thunun chenga, ka lungthima a chen zing sek hih? Ka lunggil in a lainat sek a, a chungah zahngai tei ing ka, tih hi Lalpa kamsuok ahi.

JEREMIA 3:19

Ken vang nam tamtak laka goluoh ding phapen, gam nuom tak mai hun pieka; cha le naute laka hun kawih ka nawp zie mai chuh! Hepa ti a nei sap a, nei zuih na a petmang lo dingin ka hun gingcha a.

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

DAN NIHNA 14:1

Lalpa na Pathien uh chate na hiu a; mithi sûnna a na ki-ât keh dinguh ahi puoh a, na mit mul u le na met kawlh dinguh ahi puoi;

PAWTDAWKNA 4:22

Tichun nangin Pharaoh kawmah, ‘Lalpa chun, Israel hi ka chapa, ka cha lutîl ahi’ a tii, ti a na gen ding ahi.

HOSEA 1:2

Hosea manga Lalpa’n thu a gen pat chun hiti hin Hosea kawmah thu a gen a, “Chieh inla, nawhchizuok zi’n va nei in la; nawhchizuok apat chun cha hing in, hitibang hin ka mite’n ei nungsawn un, zawl ei saih san tau hi,” ti’n.

1 JOHAN 3:12

Kain, migilo laka um, amah suohpih Abel thatpa guola khah um lo in. Bang zieka a thah ahi ta leh? Amah thil hihte a phatloh ziek leh, a suohpihpa thil hihte a phat ziek ahi.