JOHAN 8:34 - PATHIEN LEKHABU THIENGTHO (BSI)

³⁴ Isu’n a kawm u ah, “Tihtakzet, tihtakzet a ka hilh na hiu hi, kuole, thil hihgilo ta gitloh suok ahi.

JOHAN 8:34 ပူးပေါင်းရင်းမြစ်များ

ROME 6:16

Kuo kawm hita leh, a thuu ngai dinga a suok a na lut u chun thihna kham a gitloh suok ahim, diktata simna kham a suok ahim hi lele, a thuu na ngaihpau suok a um chuh na hiu ui tih na kihe puou maw?

2 PETER 2:19

Amau haw chuh, sietna insung suok hi kawm zing ngâl in, suok pawt ding thu poh mite kawmah a tiem sek uh a, zawh a a umna mah uchun, zie mawng chun suok in a siem sek ahi.

THUCHINGTE 5:22

Minunsie chuh amah gitlohna ngêi chun man intin, a gitlohna khauhuol a kantawm in um in a.

ROME 6:12

Zieziekchun, na sapum utnateu na zawp na dingun, na sapum thi thei hawu achun gitlohna’n vaihawm kihen.

ROME 6:6

Ziehi he leuhing; I mihiem lui u chuh a mah tawh khetdên in a um ta a, gitloh puo sapum chuh sukmangthai a a um theihna dingin, tu a thak a gitloh suok a I um tâk loh na dingun.

TITA 3:3

Ei uh le makhan ngawl tak leh thu a nung lo leh, diklo I hiu a. Utchakna leh, nawpna tincheng suok a um I hiu a. I hinkhuou chuh mi muhdahna leh itthikna’n I mang uh a; mi dangte’n ei hawu a, ei un le mi dangte I hawt kit uh ahi.

EPHESI 2:2

Zie hun lai khan khawvel gitlohna lampite hawh in; vanthamzawl a thuneihna leng, tu a Pathien thu awilo chate chunga vaihawmpa thagau chuh na zawp zawu hi.

ROME 7:25

Isu Krista, I Lalpau vangin, Pathien kawmah kipahthu ka gen hi. Khutichun, keimah mawng in ka lungthim in, Pathien Dan na ka sem sek a, ka phehlevo vang chun gitlohna dân na ka sem sek hi.

1 LENGTE 21:25

(A zi Jezebel tîlsiet a Lalpa mitmuh a thil gilo hih dinga kizuok, Ahab tawbang hi kuomah a um hiel puou.)

ROME 8:21

thilsiemte chuh muot mang mai dinga a saltannau apat chun ni khat tei, zalenna muu un tin uh; Pathien chate zalenna lopi tak zal chuh zo un au.

ROME 7:14

Dan chuh thagau lam thil ahi tih I he ngâl u a, kei vang chuh, phehlevo lama mi, gitloh suok a khawtsa ka hi.

NASEPTE 8:23

Mitthîpna khatak leh gitloh sala tâng na hi tih ka hêi,” a ti a.

JOHAN 3:3

Isu’n a dâwng a, a kawmah, “Tihtakzet, tihtakzet a ka hilh na hiu hi, mi kuole a pienthak loh chun, Pathien gam mu thei puo’n au,” a ti a.

MATTHAI 5:18

Tihtakzet a ka hilh na hiu hi, lei leh van a beihmang masang sieh, dân thu a sutvawm neucha ahim, thaihvawm neucha ahim hi a bawna a tunkim masang sieh khatcha hile beimang hiel puo’n a.