JOHAN 8:32 - PATHIEN LEKHABU THIENGTHO (BSI)

³² tichun, thutak hun heu in na tin uh, Thutak chun suok hun haihsak ina,” a ti a.

JOHAN 8:32 ပူးပေါင်းရင်းမြစ်များ

SAM LEHKHABU THE PSALMS 119:45

Chun, zalen takin leng ing ka ting; Na thununna thu haw chuh ka hawl ngâl a.

SAM LEHKHABU THE PSALMS 25:5

Na thutak a chun ei pui inla, ei sinsak in; Nang chuh ka hukdampa Pathien na hi ngâl a; Sun ni tum in ka hun ngak zing hi.

THUCHINGTE 1:23

Ka hun hilhgaihna hi ngaithau inla, kithu-hilhna pha chuh hun pie’ng ka ting, ka thu chuh nang haw hun hetsak ing ka.

THUCHINGTE 1:29

Aziek chuh, hetna chuh a deih puou a, Lalpa kihchak chuh a tel zawk loh ziekun.

THUCHINGTE 4:18

Himahleh, mifel lampi chuh zing khawvak bang ahi a, sun chang lai tak bangin a vak hawih deuh deuh hi.

ISAI 2:3

Tichun, mi tamtak te chuh hung un tin, “Hung tiem u, Lalpa tângah, Jakob Pathien In achun chiehto hitiu, tichun, a lampite I zuih theih na dingun amah chun ei sinsak ina; Zion apat in dân hung pawt in tin; Jerusalem apat in Lalpa thu hung pawt ding ahi ngâl a,” ti’n.

ISAI 30:21

Chuleh, changlam ahim, veilam ahim a na petmang tieng u leh, na nung lam u a thu kigen na bil in za’n tin, “Zie lam hi lampi dik ahi, zui un” a tihna aw za zel un lau.

ISAI 35:8

Zie chun lam tuongpi kithun intin, zie chuh, “THIENTHONA LAMPI,” ti’n au. Mi gilote chuh zie chun chieh puou un tin, himahleh, Pathien mite a ding hi zaw’n a; khuolzin te leh mi ngawlte nasan le zie chun gammâng puo’n au.

ISAI 54:13

Na chate cheng chuh Lalpa’n sinsak intin, na chate hauhsakna chuh lopi tak hung hi’n a.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

JEREMIA 6:16

Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.

HOSEA 6:3

Lalpa hetna chuh delh zel hitiu, hêi tingun,Lalpa chuh het guo tai tiu. Zingkal a khuo hung vak zel tawbang leh, guoh tui in lei a chapchêk bang hin matheilo in I kawm u ah hung in a.”

THIEMPUDANTE 25:41

Jubili hungtun kit phat chuleh, amah leh a chate chun hun pawtsan untin, a suonteu chênna lam ah chieh kit intin, a pileputeu In leh lo a luoh kit dinguh ahi.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

MATTHAI 11:29

Ka namkawl puou unla, ka kawmah sin un; lungchuol leh lunggil a kingainiem tak ka hi hi; tichun na thagau u a dingin chawlhna mu’n lau.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 1:17

Dan thu chuh Mosi’n a pie a, himahleh, lungsietna leh thutak, Isu Krista vangin a hung um hi.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 16:13

Amahvang chuh, Pathien chanchin diktak phuongdawkpa Thagau chuh a hung tieng leh, thudik cheng chengah hun puilut ina. Amah phuok kawmin thu gen ding a hi puoh a, a thu zakte chauh gen intin; thil hungtung dingte le hun hetsak in a.

JOHAN 17:17

Amau haw chuh thutak in hih thiengtho ah, na thu chuh thutak ahi ngâl a.

JOHAN 6:45

Thiemgaute’n, ‘Mi tin chuh, Pathien sinsak in um vek un au,’ ti’n a zikuh ahi. Kuole, Pa thu he a, sin ta chuh, ka kawmah a hung sek ui.

JOHAN 7:17

Kuole, Pathien deih bang hih nuom ta chun, ka thu sinsak hi Pathien apat ahim, keimah thu a gen ka him, tih he’nau.

JOHAN 8:36

Zieziekchun, Chapa’n ahun suohchak sak chun, suokcha tak tak un lau.

ROME 6:22

Himahlele, tuhin chuh gitlohna lak apat kithiel dawkin, Pathien suokte na hung hih phet u hin, thienthona mu kham in, gah na hun nei tau apuo, a tawpna kumkhuo a hinna ngêi chuh.

ROME 8:15

Lau a um kit dingin suok hihna thagau mu na hi puou a, cha hihna thagau mu na hi zaw ngâl u a; zie thagau zal chun “Abba, Hepa” ti’n I kiko sek uh ahi.

ROME 8:2

Krista Isu a hinna thagau dân chun, gitlohna leh thihna dân apat chuh ei pawtsak ta ngâl a.

1 KORINTH 7:22

Suok a um, Lalpa sapte chuh, Lalpa pawtsak ahi a; khutibang mah in, suok hilo a, Lalpa sapte chule, Lalpa suok ahi.

GALATI 5:1

Suok hilo dinga Krista’n ei pawtsak tâk ziekin, ding det unla suok namkawl a chun tâng kit ta kiu!

GALATI 5:13

Suohpihte, nang haw suok hilo dinga sap na hi ngâl u a; himahlele, na suok hihloh nau chuh, phehlevo dingin awnthawlna’n mang kiu inla, hehpihna’n kizen tuoh chiet zawu in.

2 TIMOTHE 3:7

Zie tawbang te chuh, het guo zing ngâl a, himahlele, thutak he ngeilo te chuh ahiu hi.

JAKOB 1:25

Himahlele, kuole, dân bukim, mite suohchak sak sek chuh guntaka en a, nasa taka ngaihsak a, ngaitha maimai hi a, hengilh pai zieng lo a, a tak taka hih sek pa chuh, zie pa mawng chuh a thilhih taphawt achun Pathien in vangsak zel ina.

JAKOB 2:12

Tichun, suohchak sakna dana vaihawm sak dingte bangin thu gen un la, thil le hih un.

1 PETER 2:16

Zalen na hiu a, himahlele, na zalennau chuh gitloh khuhna’n mang lo in, Pathien suok a umna’n mang zawu in.

2 JOHAN 1:1

Upa keimah apat, Numei pha kiteng nu leh, a chate, tih tak zet a ka lungsiet te kawmah. Kei mai hilo in, thutak he ta chengin le a hun lungsiet uh ahi,