JOHAN 8:31 - PATHIEN LEKHABU THIENGTHO (BSI)

³¹ Khutichun, Isu’n a gingcha Judate kawm achun, “Ka thu sinsakte na zuih tak tak u chun, ka sinsakte hi’n lau;

JOHAN 8:31 ပူးပေါင်းရင်းမြစ်များ

MATTHAI 24:13

Himahlele, a tâwp tienga thuok ngâp ta chuh hukdam in um in a.

JOHAN 1:47

Isu’n, Nathanael a kawma hung a muh chun, a chanchin a gen a, “En tiem u, Israel diktak, amah a diklohna him um lo chuh!” a ti a.

JOHAN 2:2

Isu leh a sinsakte le kichên na achun a chiel u a.

JOHAN 6:55

Ka phehlevo hi an tak ahi a, ka thisan hi dâwn ding tak ahi ngâl a.

JOHAN 8:36

Zieziekchun, Chapa’n ahun suohchak sak chun, suokcha tak tak un lau.

NASEPTE 13:43

Chun, kikhawmte chuh a kikhen phet un, Judate tamtak leh, Jentel, Juda a kipiete chun Paul leh Barnabas chuh a zui u a;, amau chun a na hopih u a, Pathien lungsietna a chuh um zing dingin a tîl u a.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

NASEPTE 26:22

Himahlele, Pathien kawm apat panpihna ka muh ziekin, tuni tieng hin, mi neute leh mi liente kawmah thu ka hetsak zel a; ka thugen chuh, thiemgaute leh Mosi’n, hung tung ding ahi ti a a na gen:

ROME 11:22

Khutichun, Pathien phat dân leh a ningkhel dân chuh ngaihtuoh in; a kipukte ding chun a ningkhel a, nang ding vang chun a phai, a phatna a na um zing chun. Himahlele, khuti banga chuh na um zing loh chun, nang le hun sat tha ding ahi ngâl a.

ROME 2:7

Thilpha bawl hâmhâm a, lopina leh limbawlna leh, manthai theih lohna hawlte kawm achun Pathien in kumsawt hinna pie’n tin,

KOLOSSA 1:23

Zieziekchun, bul nei a dettaka um in, Chanchin Pha na zak uh a kinepna apana kichawn mang lo in, taksanna achun um zing un. Zie Chanchin Pha khawvel a mi chengcheng kawma tângsappih a um kha, Kei Paul ngêi hi zie zenviel nasem a chuh pang ka hi.

1 TIMOTHE 2:15

Himahlele, numei chuh, taksanna leh, hehpihna leh thienthona nei a, lungthim thieng tak tawh mahni kithununa a um zing u chun, cha neihna ah hukdam in um un au.

1 TIMOTHE 4:16

Nangmah leh na thu sinsak achun chingthei in. Zie thil haw chuh hihzawm zingin. Khutibang na hih chun, nangmah leh, na thu ngaithate chengcheng hukdam ding hi chin a.

2 TIMOTHE 3:14

Himahlele, nang vang, sinsak a na umna leh, dettaka na taksan, thudik achun um zing in.

HEBRAI 3:14

Krista tawh pang khawmte I hi ta ngâl u a, a tûng pên a I kimuonpih u khah, a tâwp tienga dettaka I tukchak phawt u chun.

HEBRAI 8:9

A pulepateu Aigupta gam apat a puidawk dinga a khut uh a ka tuk ni a, A kawmuh a ka thugawlh bang kha hilo in; Ka thugawlh achun a um zawm puoh ngâl uh a, Tichun, amau haw chuh ka dâwn takloh a hii, Lalpa’n a tii;

JAKOB 1:25

Himahlele, kuole, dân bukim, mite suohchak sak sek chuh guntaka en a, nasa taka ngaihsak a, ngaitha maimai hi a, hengilh pai zieng lo a, a tak taka hih sek pa chuh, zie pa mawng chuh a thilhih taphawt achun Pathien in vangsak zel ina.

1 JOHAN 2:19

Amau haw chuh I lak uh apat in a pawt uh a, eihaw tawh I kitimatnau a um loh ziekin. Eihaw tawh kitimatna um hile chuh, I kawmuh a um zing ding a hi ngâl uh a. Himahlele, eihaw tawh I kitimatnau a um puoi tih suklatna dingin, ei taihsan sek uh ahi.

1 JOHAN 2:24

Nanguh vangin, atûng apat na thu zak uh khah, na lunggil u ah vawp pha zing un. Zie atûng apat na zak uh khah na vawp zing uh chun, nanguh le, Chapa leh Pa achun um zing unlau.

2 JOHAN 1:9

Kuole, Krista sinsakna thu a um zing lo a, chieh khel chun, Pathien a nei puoi. Kuole, zie sinsakna thu a um zing vang chun. Pa leh Chapa chuh a neih thuoh ahi tai.

1 SAMUEL 12:14

Lalpa chu na lauh u a, a na nasep uh a, a thu na awih u a, Lalpa thupiek haw na helsan loh uh a, nang haw leh na chung u a vaihawm na lengpau in Lalpa na Pathien u chu na zuih zawm zel u chun pha’ntin: