JOHAN 8:28 - PATHIEN LEKHABU THIENGTHO (BSI)

²⁸ Khutichun, Isu mah in a kawm u ah, “Nang un Mihiem Chapa hi na khaih kâng nung u leh, amah chuh ka hii, tih leh. Ken, keimah thu’n thil bangmah ka hih puoi, Pa’n ei hilh guol zel in zie thu haw hi ka gen zawk sek a hi tih hun he ding na hiu.

JOHAN 8:28 ပူးပေါင်းရင်းမြစ်များ

PAWTDAWKNA 3:14

Chun, Pathien in Mosi kawmah, “KEI CHUH KEI KA HI” a ti a. Chun, a kawm u ah: “KEI KA HI, kiti chun na kawm u a ei sawl ka hi,’ na tih ding ahi,” a ti a.

MATTHAI 24:5

Mi tamtakin, ‘Krista chuh ka hii,’ tin ka min in hung untin, mi tamtakin hun dawha bawl ding a hi ngâl uh a.

MARK 13:6

Mi tamtak, ‘Krista ka hi’ ti’n Ka min in hung un tin; mi tamtak hun dawha bawl ding ahiu hi.

LUKE 21:8

Isu chun, “Chingthei unla, thep in um kiu un. Mi tamtakin, ‘Krista chuh ka hi, a hun tung ding ei tai,’ ti’n ka min in hung un au! Himahlele, amau haw chuh zui kiu in.

JOHAN 11:42

Kumkhuo’n ka thu nei zakpih hi tih ka he zing a; himahlele, zie a mipi ding haw ziek hin ka tih a hii, nang nei sawl ngêi a hii tih, ei ginchak theihna dingun,” a ti a.

JOHAN 13:19

Tu akipat a hungtun ma’n ka hilh na hiu hi, a hung tun tieng leh, ‘amah kha ka’ hi tih na het theihna dingun.

JOHAN 16:10

Diktatna thu ale thiemmawh chang un au; Pa kawma chieh ding ka hi a, nangun nei muh kit tâk loh ding ziekun;

JOHAN 18:32

(Isu’n a thih dân ding thu a gen banga kha a hung tunna dingin ziehaw huh hung um ahi.)

JOHAN 19:18

Taka chun, kross ah a khêndên u a, mi dang nih tawh, a sik tuok ah khat gel in, a lai ah Isu.

JOHAN 3:11

Tihtakzet, tihtakzet a ka hilh na hii, kei un ka het u chuh ka gen sek ui, ka muh u chuh ka hetsak sek ui, himahlele, ka thu hetsak u chuh na awi sek puou hi.

JOHAN 3:14

Chun, Mosi’n thaleka dâkgûl a khaih kâng guol khan, Mihiem Chapa hile khaihkang a um ding ahi:

JOHAN 4:26

Isu’n a kawmah, “Kei, a hun hopih pa hi amah chuh ka hi a puo!” a ti a.

JOHAN 5:19

Isu’n amau haw chuh a dâwng a, “Tihtakzet, tihtakzet a ka hilh na hiu hi, Chapa’n amah mai in bangmah a hih thei puoi; Pa thilhih a muh ngâl loh chuh; Pa’n a hih bang bang chuh Chapa’n le a hih sek ahi.

JOHAN 5:30

“Keimah chauh in bangmah ka hih thei puoi; bil a ka zak bang zelin vai ka hawm sek, ka vaihawm chuh diktak ahi, keimah thu thu’n hih ka guo puoh a, ei sawl pa thu thu a hih ka guot zawk sek ziekin.

JOHAN 6:38

Kei deih bang hih dinga van apat a hung suk ka hi puoh a, ei sawl pa deih bang hih dinga hung suk ka hi zawi.

JOHAN 8:24

Zieziekchun ahi, na gitloh uh nei zingin thi’n lau ka hun tih khah. ‘Amah chuh Kei ka hi’ tih na ginchak loh u chun, na gitloh uh nei zingin thi tei un lau,” a ti a.

JOHAN 8:27

Himahlele, Isu’n a kawm u ah Pa thu a gen hi tih a he puou hi.

JOHAN 8:58

Isu’n a kawm u ah, “Tihtakzet, tihtakzet a ka hilh na hiu, Abraham pien ma’n le ka um hi,” a ti a.

NASEPTE 2:41

Mi tamtakin a thugen chuh a gingchau a, baptistma a chang u a, zie ni chun mi, sangthum vel behlap in a um tau hi.

NASEPTE 4:4

Himahlele, a thugen uh ngaithate laka mi tamtakin a gingchau a; a tam lam u chuh pating chiet le sangnga vel ahiu hi.

ROME 1:4

Thienthona thagau lam thu vang achun mithi lak apat thilhih theihna nasa taka kaihthawha a umna chun Pathien Chapa a hihna nasa takin a taklang hi.

DAN NIHNA 18:18

A suohpihteu lak apat ngêi in amau dingin nang tawbang thiemgau tungdawk ing ka ting; a kam ah ka thu haw chuh kawih ing ka ting, a kawma thu ka piek cheng chuh a kawm u ah gen ina.