JOHAN 8:20 - PATHIEN LEKHABU THIENGTHO (BSI)

²⁰ Isu’n zie thu haw chuh, Pathien Ho-In a, tuoklawm khiekna thingkuong kawihna pindan a a sinsak laia a gen ahi. A hun a tun nai loh ziekin, kuoma’n a man puoh ngâl u a.

JOHAN 8:20 ပူးပေါင်းရင်းမြစ်များ

1 KHANGTHUBU 9:26

Kawtkhak ngak lawiupa lite chu Levi namte ahiu a, Pathien ina sum kawihna leh indan enkawl ahi ngâl uh ahi.

MATTHAI 26:55

Zie lai tak chun, Isu’n mipite kawm achun, “Chemzâm haw, khetbuk haw chawi in suommangte man ding guolin ei man dinga hung pawt na hiu maw? Pathien Ho-In ah ni chengin mi sinsak in ka chu sek a, nei man ngâl puou a.

MATTHAI 27:6

Khutichun, thiempu liente chun dangka chuh a lau a, “Ziehi tuoklawm bawma kawih a thieng puoi, thisan man ahi ngâl a,” a tiu a.

MARK 12:41

Chun, Isu chuh tuoklawm bawm zawn achun a chu a, tuoklawm bawma mipite dangka khiek zie chuh a en a; mi neizo tamtak haw chun tampi pi a khieu a.

MARK 12:43

Tichun. sinsakte a kawmah a sam khawm a, a kawm u ah, “Tihtakzet a ka hun hilh na hiu hi, tuoklawm bawma khie chengcheng te sangin, zie meithai neilah tak hin a khie tam zawi.

LUKE 20:19

Chun, zie lai tak chun dân thuzikte leh thiempu liente chun, tehkal thu chuh amau haw kawknaa a gen ahi tih a het ziekun Isu chuh zie mun achun mat a guou a, himahlele, mipite chuh a lau u a.

LUKE 21:1

Chun, Isu a dâk viel a, mi neizote’n Pathien Ho-In tuoklawm bawma tuoklawm a khiek lai u chuh a mu a.

JOHAN 10:39

Khutichun, Isu chuh mat a guo kit tau a, himahlele, a khut u apat a pawt a.

JOHAN 2:4

Isu’n a kawmah, “Numei, nang nei hilh ding banga um? Ka hun a tung nai puoi,” a ti a.

JOHAN 7:14

Chun, Kut vanglai takin, Isu chuh Pathien Ho-In ah a va chieh a, a sinsak a.

JOHAN 7:30

Ziephet chun, amah chuh mat a guo tau a, himahlele, a hun a tun nai loh ziekin, kuoma’n a chungah a khut uh a tha puou hi.

JOHAN 7:44

Khenkhatte chun mat a nuom u a, himahlele, kuoma’n a chungah khut a tha puou hi.

JOHAN 7:8

Nanguh Kut na achun va chieh un, kei vang chuh tuchung Kut a hin chieh lo ding ka hi, ka hun a tun nai loh ziekin,” a ti a.

JOHAN 8:2

A zingkal kit matak chun, Pathien Ho-In ah a chieh kit a. Mipi chengcheng chuh a kawmah a hung u a, chun, a chu a, amau haw chuh a sinsak ta a.

JOHAN 8:59

Ziephet chun, a sehna dingin suong a luok u a, himahleh, Isu a kisel a, Pathien Ho-In apat chun a pawt a; a lak u chuh a hawh phei a, a chiehdawk ta a.