JOHAN 8:14 - PATHIEN LEKHABU THIENGTHO (BSI)

¹⁴ Isu’n a kawm u ah, “Keimah thu hetsak hi leng le, ka thu hetsak a dik ahi; ken ka hung kipatna leh, ka chiehna ding chin le ka hêi. Nang haw vangin, ka hung kipatna leh, khawia chieh ding ka hih na he ngâl puou a.

JOHAN 8:14 ပူးပေါင်းရင်းမြစ်များ

THUCHINGTE 8:7

Ka kam chun thudik gendawk intin, nunsietna chuh ka kama dingin thil kihdak-um ahi.

KISIMNA 12:3

Mosi chuh lei chunga mihing cheng lak a mi kingainiem pên ahi a.

JOHAN 10:15

Pa’n kei ei het leh, ken Pa ka het guol hin, keia te chuh ka he a, amau inle ei heu hi. Belamte dingin ka hin ka pie sek hi.

JOHAN 10:36

Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

JOHAN 13:3

Isu’n, Pa’n thilhih theihna bukim a piek dân te. Pa kawm apat a hung pawt leh, a kawma chieh kit ding ahih dante chuh a hezing a.

JOHAN 14:10

Kei Pa a ka um leh, Pa keimah a um hi tih gingcha lo na hi maw? Na kawm u a ka thugen hi, keimah phuok kawma ka gen ei puoi; Pa chuh keimah ah a um zing a, zie chun thil a hih zawk sek a hii.

JOHAN 16:28

Kei Pa kawm apat a hung a, van nuoia hung ka hii; vannuoi taihsan a. Pa kawma chieh kit ding ka hii,” a ti a.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 18:37

Chun, Pilate in a kawmah, “A leh, leng hilo na hi?” a ti a. Isu’n, “Hi e, leng ka hi a puo! Thutak hetsak hi ka pien lawh leh, khawvel a ka hung lawh ahi. Kuole, thutaka um ta poh in ka thu a pawm sek ui,” a ti a.

JOHAN 5:31

“Keimah chanchin hetsak ta leng, ka thu hetsak dik puo’n a.

JOHAN 8:42

Isu’n a kawm u ah, “Pathien na pau a hih chun, nangun ei hehpih ta’n lau; Pathien kawma pawt leh, a kawm apat hung ka hi ngâl a. Keimah thu a hung ka hi puoh a, ama’n ei sawl zawk ka hi.

2 KORINTH 11:31

Lalpa Isu Pathien leh Pa, min chuh kumkhuo’n pahchak in um hen! amah chun lepchieh ka gen puoi, tih a he ngâl a.

2 KORINTH 12:11

A ngawl guolin thil ka hih ahi tai, himahleh, nang haw’n ngawl lo thei lo in nei siem uh ahi. Nang haw hi, ka hihna tak phawchien dingte na hi ngâl u a. Kei bangmah hilo mahleng le, sawlchak lien na tihteu chuh ka phaklahna a um diek puoh ngâla.

2 KORINTH 12:19

Tu sung cheng hin, nangmau haw kawma, keimau kithien-hawnna thu gena nei ngaih uh ka hih tuok u a. Kei hiel puou hi! Krista achun, Pathien maikawk a thugen ka hiu hi. Zieziekchun, deihtakte haw, thil ka hih takphawt u hi, nangmau-haw phatna ding ngên ahi zawi.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

THUPHUON 3:14

“Chun, Laodikei khuo a sapchuom haw lawi vânsâwlchâk kawm achun hiti hin zik ah: “Amen, taksanum leh hetpih dik, Pathien thilsiem haw bul khan, zie thu haw hi a gen ahi;