JOHAN 8:11 - PATHIEN LEKHABU THIENGTHO (BSI)

¹¹ Amah chun a kawmah, “Lalpa, kuoma’n ei chan sak puou hi,” a ti a. Ziephet chun, Isu’n, “Ken le mawh ka hun chan sak puoi; chieh inla, tunung leh, hih gilo kit ta kih,” a ti a.

JOHAN 8:11 ပူးပေါင်းရင်းမြစ်များ

JOB LEHKHABU THE BOOK OF JOB 34:31

Mi’n Pathien kawm achun, “Thununna chuh ka thuok ta a, gawtna ka thuok nalai set a,

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

ISAI 55:6

Muh baihlam a a um lai in Lalpa chuh hawl unla, a naih lai hin sam un!

LUKE 13:3

Hi lo e, ka hilh na hiu hi, nang u le na lunghei loh u chun, ziete tawbang mah a chuh thi ding na hiu hi.

LUKE 13:5

A hi chuom diek puou, ka hilh na hiu hi, nang haw le na gitlohnau apat a na kihei loh u chun ziete guol mah khan thi ding na hiu hi,” a ti a.

LUKE 15:10

Ka hilh na hiu hi, khutibang mah chun, Pathien vânsâwlchâkte chuh, mi gilo khat kisikna chungah a kipâk mah mah sek ui.” a ti a.

LUKE 15:32

Himahleh, zie na nau hi a thi sa, a hung hing kit ahi a, a mang sa, I muh kit uh ahi ta a, ziezieka chuh, kipâk tak leh lawp taka I um dinguh a puo!’” a ti a.

LUKE 15:7

Ka hilh na hiu hi, mi diktat sawmkuo leh kuo, lungheina chuom na ding nei lote chung sang chun, migilo khat lungheina chung achun van a mipi kipâk zaw’nau.

LUKE 5:32

Mi diktatte sam dinga hung ka hi puoh a, mi gilote hawla, lunghei sak dinga hung ka hi zawi,” a ti a, a dâwng a.

LUKE 9:56

Mihiem Chapa hi mihingte hinna sumangthai dinga hung ahi puoh a, amau haw hukdam dinga hung ahi zawi, a ti a. Tichun, khuo dangah a chieh tau hi.

JOHAN 18:36

Isu’n a kawmah, “Ka lalgam chuh zie khawvel hih a hi puoi; ka lalgam chuh zie khawvel hih a na hi leh, kei ei zuite chun, Juda thuneitu te kawma pieka ka um ding chuh a na do ta’n au. Himahlele, ka lalgam chuh zie khawvel a hih ahi puoi!” ti’n a dâwng a.

JOHAN 3:17

Pathien in khawvel mawhchansak dingin a Chapa khawvel ah a hun sawl puoh a, amah zieka hukdama a um theihna dingun a sawl a hi zawi.

JOHAN 5:14

Zie nung chun, Isu’n amah chuh Pathien Ho-In ah a mu a, a kawmah, “Ngai ah, na dam ta hi! thilhih gilo kit ta kih, khutilochun, thil phalo zaw diek na chungah hungtung kha’na,” a ti a.

JOHAN 8:15

Nang haw’n mihiem dân guol takin na awimawh sek ui, kei vangin kuomah ka awimawh puoi.

ROME 2:4

A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

1 KORINTH 5:12

Abang hita leh, pawlam a mite chunga thutan ding chuh kei mawhpuok ahi puoh a, Pathien in vaihawm sak ina.

DAN NIHNA 16:18

Lalpa na Pathien un a hun piek na kulh kawtkhak chengah, na phung cheng u apat in, vaihawm ding leh hotu ding tel unla; amau chun mipite chunga diktaka vai a hawm dinguh ahi.

DAN NIHNA 17:9

Zie hun lai taka Levi mi thiempu a pang te leh vaihawmpa kawm achun chieh unla, amau chuh dawng un; khutichun, amau chun thu khen ding dân chuh hun na hilh in au;

2 PETER 3:15

Chun, I Lalpau thuokhat zie chuh, hukdamna dinga hunlemchang a hun piek bangin ngai un; I suohpihpau deihtak Paul in le, a kawma Pathien in chitna a piek dungzuia, na kawmuh a a hun zik bang khan.