JOHAN 7:45 - PATHIEN LEKHABU THIENGTHO (BSI)

⁴⁵ Mi mante chuh thiempu liente leh Pharisaite kawma a hungkit phet u chun, thiempu liente.leh Pharisaite chun, “Bang zieka hun pui lo?” ti’n a na dawng u a.

JOHAN 7:45 ပူးပေါင်းရင်းမြစ်များ

JOHAN 7:32

Chun, Pharisaite chun, Isu chung thu a mipite phun gukna thu haw chuh a heu a: tichun, thiempu liente leh Pharisaite chun a man dingin, mivengte a sawl tau a.

MATTHAI 26:58

Himahlele, Peter in gamla taka kihal in amah chuh a zuia. Thiempu lienpen In umna huongsung Inmai tiengin a va zui a, a tawpna muh guo’n mivengte lak achun a va chu a.

JOHAN 9:22

Judate a lauh ziekun a nu leh a pa’n zie thu haw chuh a gen uh ahi; ziehaw chun, “Kuo’n le, Amah chuh Krista a hii, ti a gingcha ta chuh, kikhawpna In apat nawhdawk ngêi ngêi ding ahi,” ti’n a kithuguol suok kêi ta ngâl u a.

JOHAN 11:46

Himahlele, khenkhatte chuh Pharisaite kawmah a va chieh u a, a kawm u ah Isu thilhih haw chuh a va gen u a.

JOHAN 11:47

Khutichun, thiempu liente leh Pharisaite chun, vaihawm haw chuh a sam khawm u a, “Bang I lawh ta ding u leh? Zie pa hin thilmak tamtak a hih ta ngâl a!