JOHAN 7:39 - PATHIEN LEKHABU THIENGTHO (BSI)

³⁹ Isu’n, zie thu haw chuh, a gingchate’n Thagau a muhna ding thuu a genna ahi. Thagau chuh piek a hi tadih puou, Isu chuh lopina a kaihthawh a a um nai loh ziekin.

JOHAN 7:39 ပူးပေါင်းရင်းမြစ်များ

NASEPTE 2:17

‘Pathien in, Ni nunung haw achun hiti hi hi’n tin, Mi chengcheng chungah ka thagau sungtha’ng ka ting; Tichun, na chapateu, na chanuteu in ka thu gen un tin uh; Na tangvalteu in kilâkna muu un tin uh, Na teksieteu in mang in mat un tin;

JOEL 2:28

“Zie hun tieng chuleh hiti hi hung hi’n tin, mi chengcheng chungah ka Thagau sungtha’ng ka ting; tichun, na chapateu, na chanu teu in ka thu gen un tin, na teksieteu in mang in mat untin; na tangval teu in kilâkna mu’n au.

NASEPTE 2:33

Pathien khut changlam ah limbawl in a um ta a, Thagau Thiengtho tiem chuh Pa kawm apat a mu a, na muh u leh, na het u hi a hun sunthak ahi.

NASEPTE 2:4

A bawn un Thagau Thiengtho in a dim vek tau a, Thagau in a pau sak guol zelin, pau zatchuom in a hung pau tau a.

JOHAN 16:7

Himahlele, thudik tak ka hun hilh na hiu hi, ka chieh nang u dingin a phai; ka chieh loh chun Lungmuonpa chuh na kawm u a hung lo ding ahi ngâl a. Himahlele, ka chieh chun, nang haw kawma hun sawl ding ka hi.

JOHAN 12:16

Ziehaw chuh, a tûngin a sinsakte’n a he puou a; himahlele, Isu limbawla a um nung leh, a chanchin ah zie thu haw chuh zik a hii tih leh, a chungah ziehaw chuh a na hih nau hi tih a na he tau hi.

ISAI 32:15

Himahleh, khatvei chuh, Pathien in a Thagau chuh hun sungtha kit intin, gam chulnung chuh lei pha hung chang kit intin, Lote chun gah hun suoh kit ina.

ROME 8:9

Himahlele, Pathien Thagau nangmau a a um tak zet chun, phehlevo a um na hita puou a, Thagau a um na hi zawu hi. Amahvang chuh, kuole, Krista Thagau neilo chuh amah mi ahi puoi.

NASEPTE 2:38

Peter chun a kawm u ah, “Na gitloh uh ngaihdam ahih theih na dingin lunghei unla, chun, Isu Krista min in na bawn un baptistma chang chiet un; tichun, Thagau Thiengtho thawna piek hi mu’n lau.

JOHAN 20:22

Zie thu haw chuh a gen zawhin, a chungu ah a hatkhum a, a kawm u ah, “Thagau Thiengtho nei un.

JOHAN 12:23

Isu’n a dâwng a, a kawm u ah, “Mihiem Chapa limbawla a um phat chuh a hungtung tai.

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.

EPHESI 4:30

Chun, Pathien Thagau Thiengtho chuh sulungkham kiu in, tatna ni tienga dingin amah a chuh mawhuol kinam na hi ngâl u a.

2 KORINTH 3:8

Thagau zenvielna chuh bangti pheta nasa’n a hungtung ta dem!

NASEPTE 4:31

Chun, a paucham zawh phet u chun, a kikhawpkhawmnau In chuh a hung lîng a, a bawn un Thagau Thiengtho in a hung dim tau a; tichun, hangsan takin Pathien thu a gen tau hi.

NASEPTE 3:13

Abraham te, Isak te, Jakob te Pathien, ei suonteu Pathien chun, a suok Isu hi a limbawl ahi ta hi. Amah chuh na matsak u a, Pilate in thahdawk a guot nasan inle, a masang ngêi ah na deih loh uh ahi kha.

JOHAN 17:5

Aw he Pa, khawvel kisiem ma pek a na kawma lopina ka chan kha, zie tawbang mah khan tuhin ei limbawl kit in.

JOHAN 14:13

Chun, ka min a thil bang hitaleh na nget u chun, hih zel ing ka, ti a chuh Chapa zieka Pa limbawla a um theihna dingin.

JOHAN 7:12

Amah chungchâng thu achun, mipite chuh a kiho gu sausau u a, a bangin, “Mi pha ahi,” a tiu a, abang in, “Naisai lo e! mi a pui mang zaw sek ahi,” a tiu a.

JOHAN 6:14

Isu’n zie thilmak a hih chuh a muh phet un, mipite chun, “Zie pa hi, thiemgau, khawvel a hung ding pa khah a na hi na hi!” a tiu a.

JOHAN 1:33

Amah chuh ka he nai diek puoh a, himahlele, tuia baptist dinga ei sawlpa khan ka kawmah, ‘Kuo chung hita leh, Thagau zu chu a, a chunga um zing na muh ta, amah chuh Thagau Thiengtho a baptist ding chuh hi’n a,’ ei ti a.

JOHAN 1:25

Chun, amau chun a kawmah, “Krista bêk, Elija bêk, thiemgau khat ahim bêk na hih loh chun, bang zieka baptist sek na hi?” ti’n a dawng kit u a.

JOHAN 1:21

Amau haw chun a kawmah, “Kuo na hi leh? Elija na hi leh?” a tiu a. Johan chun, “Ka hi puoi,” a ti a. “A leh, thiemgau khah na him?” a tiu a. Amah chun, “Ka hi puoi,” ti’n a dâwng a.

LUKE 24:49

Chun, ngaitiem u, Pa thil tiem chuh na chung u hun sawl ding ka hi; himahleh, chunglam apat a thilhih theihna’n a hun thuom masang sieh chuh, khawpi ahin um zingun” a ti a.

LUKE 7:16

A bawn u chun lauhna a dim in, Pathien a pakcha tau a, “I lak u ah thiemgau lopitak hung um ahi ta hi,” a tiu a. “Pathien in a mite a hun tawh ahi ta hi!” a tiu a.

LUKE 3:16

Johan in a kawm u ah, “Ken chuh tui in ka hun baptist na hiu a, himahlele, kei sanga lopi zaw hung ding ahi. A kengtawbek khau phel hâwi le ka hi puoi. Amah chun Thagau Thiengtho leh meia hun baptist ding ahi.

MATTHAI 16:14

Amau chun, “A bangin, Baptist Johan ahi,” a tiu a, “Abang in, Elijah ahi,” a tiu a; “Abang in, Jeremia ahim thiemgau kuo ahim khat ahi, a tiu hi,” a tiu a.

THUCHINGTE 1:23

Ka hun hilhgaihna hi ngaithau inla, kithu-hilhna pha chuh hun pie’ng ka ting, ka thu chuh nang haw hun hetsak ing ka.

JOHAN 14:26

Chun, Lungmuonpa Thagau Thiengtho, Pa’n, ka min a a hun sawl ding khan, zie chun bangakai nanguh hun sinsak intin, na kawm u a ka gen chengcheng kha hun het dawk sak kit ina.

MATTHAI 21:11

Mipite chun, “Zie pa hi thiemgau Isu, Galili gama Nazareth khuo a um chuh ahi.” a tiu a.

ISAI 12:3

Dangchâkte dinga tui thieng tak chuh kipahna ahih mah bangin, Pathien hukdamna chuh a mipite kipahna ahi ngâl a,” ti’n.

SAM LEHKHABU THE PSALMS 68:18

Nang chuh tâng chunglam ah na kalto ta a, sala matte chu na pui a; Mihiem te apat chun thilpiek le na changa, Ahi, Lalpa Pathien kalh a helte chu a kawm u ah a um ui.

JOHAN 8:54

Isu’n a dâwng a, “Keimah kilimbawl hi leng, zie limbawlna chuh bangmah hi puo’n a. Ka Pathien uh, na tih uh, ka Pa ngêi chuh ei limbawl pa ahi.

JOHAN 16:14

Amah chun lopina kei ei pie’n a; ka thugente la’n tin, nang haw kawma gen ding a hih ziekin.

JOHAN 17:1

Zie thu haw chuh Isu’n a gen zawhin, van lam en in, “Hepa, a hun a tung tai. Na Chapa limbawl ah, Chapa’n le a hun limbawl na ding in.

NASEPTE 19:2

a kawm u ah, “Na awih tûng lai u khan, Thagau Thiengtho na chang um?” a ti a. Amau chun a kawmah, “Chang lo, Thagau Thiengtho a um hi tih zak le ka za kha puou hi,” a tiu a.