JOHAN 7:31 - PATHIEN LEKHABU THIENGTHO (BSI)

³¹ Mipi, abang, tamtak vang chun amah a gingchau a, “Krista chuh a hung tun tieng leh, zie pa hih sanga tam zaw hi thilmak hun hih ding a hi a a hi?” a tiu a.

JOHAN 7:31 ပူးပေါင်းရင်းမြစ်များ

JOHAN 12:42

Zie hun tieng chun, Juda lawiupa tamtakin Isu chuh a gingcha tau a; himahlele, Pharisaite ziekin tângphuong takin a gen dawk puou, Kikhawpna In apat a nawhdawk a hih lohna dingun.

MATTHAI 12:23

Ziephet chun, mipite cheng chun mak a sa tau a, “Zie pa hi David chapa kha hilo ahim?” a tiu a.

NASEPTE 8:13

Simon ngêi chun le a hun gingcha ta a, chun, baptistma a chan zawhin, Philip kawmah a um zing a, melchikna leh, thilmak kihihte a muh in mak a sa mah mah a.

JOHAN 11:45

Zieziekchun, Mari veh dinga hung, mipi tamtak chun Isu thilhih chuh a muu a, a gingcha tau a.

JOHAN 9:16

Chun, Pharisaite abang in, “Zie pa hi Pathien kawma pawt hi puo’n a a ziek chuh, Chawlhni a nit puoi,” a tiu a. Khenkhatte’n vang chuh, “Migilo in bangti’n a, zie tawbang thilmak hi a hih theih ding?” a tiu a. Khutichun, a laku ah kibungkhenna a hung um ta a.

JAKOB 2:26

Thagau tello in, sapum chuh a thi ahi, khutibang mah in, thilhih tello in, taksanna chule a thi ahi.

JOHAN 12:11

Amah zieka Judate tamtakin, a taihsan u a, Isu a ginchak ziekun.

JOHAN 6:2

Damlote chunga thilmak a hih haw a muh ziek u chun mipi nasatak in a zui u a.

JOHAN 4:39

Khutichun, “Ka thilhih tâk ei hilh zel,” ti a numei thugen ziek chun, zie khuo a um Samari mi tamtak chun Isu a gingcha tau hi.

JOHAN 3:2

Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

JOHAN 2:11

Isu’n, zie a thilmak hih kipatna hi, Galili gam Kana khuo achun a hih a, a lopi zie a latsak a; tichun, a sinsakte’n a gingcha tau hi.

LUKE 8:13

Chun, suongteu chunga kie chuh zie tawbang hi ahiu: a het het u a, thu chuh kipâk taka pawm zieng; himahleh zung himhim a nei puou a, chawmlo kal mai a awi u a, patepna a hung um tieng a puk mang kit sek ui.

JOHAN 4:29

“Ka thilhih tâk ei hilh zel, mi khat a um a, hung unla, hung en tiem u! Krista chuh hilo ahim?” a ti a.

JOHAN 7:26

En tiem u! tângphuong takin thu a gen a, a kawmah bangmah a gen diek puou hi. Amah hi Krista a hii, tih thuneitu te’n a he tak tak ta ding u aw?