JOHAN 7:28 - PATHIEN LEKHABU THIENGTHO (BSI)

²⁸ Isu’n, Pathien Ho-In a a sinsak lai in, aw ngeih tak in a kiko a, “Nangun kei nei heu a, ka hung kipatna le na heu hi. Keimah thu a hung ka hi puoi. Bang hitaleh, ei sawl pa hi a dik ahi. Amah chuh na he ngâl puou hi,

JOHAN 7:28 ပူးပေါင်းရင်းမြစ်များ

JOHAN 8:42

Isu’n a kawm u ah, “Pathien na pau a hih chun, nangun ei hehpih ta’n lau; Pathien kawma pawt leh, a kawm apat hung ka hi ngâl a. Keimah thu a hung ka hi puoh a, ama’n ei sawl zawk ka hi.

JOHAN 8:19

Amau chun a kawmah, “Na pa hawitak a um a?” ti’n a dawng u a. Isu’n a dâwng a, “Nang un kei nei he puou a, ka Pa le na he diek puou; Kei nei het u chun, ka Pa le he’n lau,” a ti a.

JOHAN 8:26

Nang haw chungchâng thu ahin gen ding thil tamtak leh, hun thiemmawhna ding tamtak ka nei hi. Bang hitaleh, ei sawl pa chuh mi diktat ahi; a kawm apat thu ka zâk tâk, khawvel mite kawmah ka gen sek hi,” a ti a.

JOHAN 8:14

Isu’n a kawm u ah, “Keimah thu hetsak hi leng le, ka thu hetsak a dik ahi; ken ka hung kipatna leh, ka chiehna ding chin le ka hêi. Nang haw vangin, ka hung kipatna leh, khawia chieh ding ka hih na he ngâl puou a.

JEREMIA 9:6

Na chênna chuh kithepna lak ahi a, kithepna ziekin ka mite’n kei ei he nuom puou hi, tih hi Lalpa kamsuok ahi.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

JOHAN 12:49

Ka phuok kawma ka gen ei puoi, Pa ei sawlpa chun ka gen ding leh ka hilh ding chuh thu ei piek zawk ahi.

JOHAN 5:43

Ka pa thu a hung ka hi a, himahleh, nang haw’n nei lawp puou hi; mi dang amah thu’n hung leh, amah chuh na lawp unlau.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

1 JOHAN 5:10

Khutichun, kuole Pathien Chapa gingcha ta chun, amah lunggil mawng ah, zie hetpihna chuh a nei hi; kuole, Pathien gingcha lo chun, amah chuh lepchieh a hih sak ahii, Pathien in a Chapa chanchin a hetpih chuh a ginchak loh ziekin.

HEBRAI 6:18

Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.

TITA 1:2

Zie chuh kumsawt a hinna kinepna thu a kinga ahi. Zie hinna chuh leisiet kisiem ma pek a Pathien lepchieh ngei lo pa chun ei tiem a,

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

2 KORINTH 1:18

Bang hita leh, Pathien taksan a um bangin, nangmau haw lam ah, ka thuu hi, “A hi” tih leh “A hi puoi” tih ahi gêl gêl puoh ngâl a.

ROME 3:4

Naisai lo e! Mi chengcheng lepchieh himahleu le, Pathien chuh a dik zing ahi. “Nangin na thugena thiem na chan a, Vaihawm saka na um ale na zawh theihna dingin,” ti a Pathien lehkhabu’n a gen guol in.

ROME 1:28

Chun, a lungthim u a Pathien het a nawp loh ziekun, thil kilawmlo tak hih dinga a deihloh lam lungthim neih phalsak in, Pathien in a nungngat ta a.

NASEPTE 17:23

Ka khawlai vak kawma na pathien chibainau munte ka et lai in, maichâm khat, a chunga, ‘Hetloh Pathien a ding,’ ti a zik ka mu dawk a. Khutichun, he lo a na chibai sek u khah, zie mawng chuh ka hun hilh na hiu hi.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

JOHAN 16:3

Zie thil haw chuh hih un au, Kei leh Pa ei het loh ziekun.

JOHAN 14:31

himahleh, ken Pa ka hehpih leh, Pa’n thu ei piek bang zela thil ka hih hi, khawvel in a hetna ding ahi zawi. Kipan un, tak apat hin pawt hitiu.

JOHAN 14:10

Kei Pa a ka um leh, Pa keimah a um hi tih gingcha lo na hi maw? Na kawm u a ka thugen hi, keimah phuok kawma ka gen ei puoi; Pa chuh keimah ah a um zing a, zie chun thil a hih zawk sek a hii.

JOHAN 10:36

Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

JOHAN 8:16

Himahleh, a na awimawh hita leng chuh, ka awihmawhna thu chuh dik ina, kei mai ka hi puoh a; Pa, ei sawl pa chun ei umpih ziekin.

JOHAN 5:32

Himahleh, ka chanchin hetsakpa chuh mi chuom ahi; amah chun ka chanchin a hetsak chuh a dik hi tih ka hêi.

JOHAN 3:33

Himahleh, kuole, a thugen pawm ta phawtte chun, “Pathien chuh Diktat ahi” ti’n a sudet sek hi.

JOHAN 3:2

Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

JOHAN 1:46

Nathanael chun a kawmah, “Nazareth apat thilpha a pawt theia a him?” a ti a a. Philip chun a kawmah, “Hung inla, en ah,” a ti a.

LUKE 10:22

“Ka pa’n bangakai ei vawp sak tai, Chapa chuh kuo ahi tih Pa ngâllo chun kuoma’n a he puoi; Pa chule kuo a hih, Chapa leh a kawm u a Chapa’n a phuon nawp nate ngâllo chun kuoma’n a he diek puou,” a ti a.

LUKE 2:51

Khutichun, Isu chuh amau haw chu tawh, Nazareth khuo achun a chieh khawm tau a, a thu thuu in a um ta a. Chun, a nu chun thil cheng cheng chuh a lungthim in a vawp zing a.

LUKE 2:39

Chun, Lalpa dân guola thil chengcheng a hih zawh phet u chun, Galili gama, amau haw khuo Nazareth achun a kilehkit tau a.

LUKE 2:11

Tuni hin nanguh dingin David khawpi ah Hukdampa chuh a pieng tai, Lal Krista chuh!

LUKE 2:4

Chun, Joseph le, David inkawte leh suon a hih ziekin,

MATTHAI 2:23

Tichun, a chieh a, Nazareth kiti khuo khata chun a cheng ta a; amah chuh “Nazareth mi” tih hi’n a ti a thiemgaute gen kha a hung guitun theihna dingin.

HOSEA 5:4

A thil gilo hihteu chun, a Pathien kawmuh a a vaihkitna dinguh a dal a. Nawhchizuok lungthim a pu zing uh a, Lalpa chuh a he puou ui.

HOSEA 4:1

Israel mite haw, Lalpa thu hi ngaitha tiem u: gamsung ahin thutak leh lungsietna leh Pathien hetna a um loh ziekin, Lalpa chun zie gam luohte hi thiemmawh hun chansak ding ahi.

JEREMIA 31:34

Kuoma’n, amah inveng leh, amah suohpihte chuh Lalpa he dingin hilh ta puou un tin, a neupen apat a lienpen tiengin, a bawn un ei he chiet ta ding ahi ngâl uh a, tih hi Lalpa kamsuok ahi. A manlohnau chuh ngaidam ing ka ting, a gitlohna hawu chuh hezing zing ta puo’ng ka.

SAM LEHKHABU THE PSALMS 9:10

Khutichun na min hete chun a ginnau chuh nang ah a ngau a, Nang vangin chuh, Lalpa, nangmah hawlte chuh na taihsan puoh ngâl a.

1 SAMUEL 2:12

Chun, Eli chapate chu Belial chapate ahiu a; Lalpa chuh a he puou a.

JOHAN 7:14

Chun, Kut vanglai takin, Isu chuh Pathien Ho-In ah a va chieh a, a sinsak a.

MATTHAI 26:55

Zie lai tak chun, Isu’n mipite kawm achun, “Chemzâm haw, khetbuk haw chawi in suommangte man ding guolin ei man dinga hung pawt na hiu maw? Pathien Ho-In ah ni chengin mi sinsak in ka chu sek a, nei man ngâl puou a.

JOHAN 6:42

“Zie pa hi Joseph chapa Isu hilo ahim? A nu leh a pa le I heu hi, van apana hung suk ka hi, bangti tih a a tih a hi die leh?” a tiu a.

JOHAN 9:29

Pathien in Mosi a hopih hi tih ka heu a; zie pa hi hâwi apat a hung pawt a hih het le ka he dang u!” a tiu a.