JOHAN 7:23 - PATHIEN LEKHABU THIENGTHO (BSI)

²³ Mosi dân bawhsiet lohna dinga, Chawlhni a pasal naupang zek na tan sak ngâl u chun, bang zieka Chawlhni a mi ka sukdam zieka, ka chunga lungna na hiu hi?

JOHAN 7:23 ပူးပေါင်းရင်းမြစ်များ

MATTHAI 12:5

Ahihloh leh, Chawlhni a Pathien Ho-In a thiempu umte chun Chawlhni a nit loh un le mawhchang in a um puou hi tih Dan thu ah na sim puou hi?

MATTHAI 12:2

Zie chuh Pharisaite’n a muh phet un, a kawmah, “Entie, na sinsakte’n Chawlhni’n hih ngeiloh a hih ui.” a tiu a.

PAWTDAWKNA 31:14

Zieziekchun, chawlhni hi na nit dinguh ahi; zie chuh nang u dingin ni thiengtho ahi ngâl a. Kuole nit lo a subuok ta chuh suklup ngêi ngêi ding ahi.

MATTHAI 12:10

Chun, ngaitie, mi khat khut zeng a na um a. Isu a heksiet theihna ding un, “Chawlhni’n hihdam a thieng em?” ti’n Isu a dawng u a.

JOHAN 5:10

Khutichun, Judate’n a dam pa kawma chun, “Chawlhni ahi hi, na puonphah lak a thieng puoi,” a tiu a.

JOHAN 7:21

Isu’n a dâwng a, “Thilmak khat ka hih kha, nang haw cheng chengin mak na sau a.

JOHAN 9:16

Chun, Pharisaite abang in, “Zie pa hi Pathien kawma pawt hi puo’n a a ziek chuh, Chawlhni a nit puoi,” a tiu a. Khenkhatte’n vang chuh, “Migilo in bangti’n a, zie tawbang thilmak hi a hih theih ding?” a tiu a. Khutichun, a laku ah kibungkhenna a hung um ta a.