JOHAN 7:17 - PATHIEN LEKHABU THIENGTHO (BSI)

¹⁷ Kuole, Pathien deih bang hih nuom ta chun, ka thu sinsak hi Pathien apat ahim, keimah thu a gen ka him, tih he’nau.

JOHAN 7:17 ပူးပေါင်းရင်းမြစ်များ

JOHAN 8:43

Bangti dana ka thugente hethiem lo? Ka thugente na ngaihthak nawp loh ziekuh ahi.

JOHAN 8:47

Pathien kawma pawt chun, Pathien thu a ngaitha sek hi. Zieziek taka chuh na ngaihnawp loh uh ahi, Pathien kawma pawt na hih loh ziekun,” a ti a.

NASEPTE 17:11

Zie taka mihaw chuh Thessalonika khuo a mite sang chun a na pha zawu a. Khutichun, lungthim kipâk takin thu chuh a pawm u a, a thugen u chuh a dik leh dikloh hetna’n, ni chengin Pathien Lehkhabu ah a hawl sek u a.

DANIEL 12:10

Mi tamtak chuh sukthientho in um un tin, himahleh, mi nunsiete chun hetthiemna nei puou untin, mi nunsie kuoma’n a ngaihna he puou un tin; miching te chun vang hetthiemna nei un au.

LUKE 8:15

Chun, lei pha a kiete chuh zie tawbang mite hi ahiu: thu chuh a zau a, lungthim takkhan leh phatak in thu a ngai u a, a ching zing u a, a gah suoh macheng a thuok sek ui.

SAM LEHKHABU THE PSALMS 25:12

Lalpa kihchate chuh kuote ahiu hi? Amau chuh a lampi tel ding chu hilh ina.

MIKA 4:2

Tichun, nam tamtak chuh hung un tin, “Hung un la, Lalpa tângah, Jakob Pathien In achun chieh to hitiu; tichun, ama’n a lampi chanchinte chuh ei sinsak in tin, a lampi haw achun chieh hitiu,” ti’n au. Zion apat chun dân hung pawt in tin, chun, Lalpa thu chuh Jerusalem apat hung pawt ding ahi.

ISAI 35:8

Zie chun lam tuongpi kithun intin, zie chuh, “THIENTHONA LAMPI,” ti’n au. Mi gilote chuh zie chun chieh puou un tin, himahleh, Pathien mite a ding hi zaw’n a; khuolzin te leh mi ngawlte nasan le zie chun gammâng puo’n au.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

SAM LEHKHABU THE PSALMS 25:14

Lalpa chuh amah kihchate guolpha ahi a A thugawlh chuh amau haw chuh hetsak in a.

SAM LEHKHABU THE PSALMS 119:10

Ka lunggil chengcheng hin ka hun hawl a; Aw, na thupiekte apan a ka taihmang chuh phal hiel ki’n.

MATTHAI 6:22

“Sapum thaumei chuh mit ahi a, zieziekchun na mit uh a chîm chun na sapumpiu le vak suok ina.

HOSEA 6:3

Lalpa hetna chuh delh zel hitiu, hêi tingun,Lalpa chuh het guo tai tiu. Zingkal a khuo hung vak zel tawbang leh, guoh tui in lei a chapchêk bang hin matheilo in I kawm u ah hung in a.”

THUCHINGTE 3:32

Zuou gen hi Lalpa ngaih chun thil kihdak-um ahi a, himahleh, a thuguk chuh mi diktatte kawm achun a kawih sek hi.

THUCHINGTE 28:5

Migilo chun thudik chuh a hethiem sek puoh a; himahleh, Lalpa hawlte vang chun thil cheng a hethiem vek sek ui.

JOHAN 3:21

Amahvang chuh, kuole, thil dik hih ta chun, a thilhih teu chuh Pathien thu zawp zieka hih a hih uh kilatna dingin, vak ah a hung sek ui, a ti a.

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.