JOHAN 7:15 - PATHIEN LEKHABU THIENGTHO (BSI)

¹⁵ Judate chun, “Zie pa hin zil khalo a, bangtia zie bangpi a hi thiem ahi die?” ti’n, mak a sa ten u a.

JOHAN 7:15 ပူးပေါင်းရင်းမြစ်များ

LUKE 4:22

Tichun, a bawn un amah a pakchau a, a kamsuok lungsietna thu haw chuh mak sa ten u a. tichun, “Zie pa hi Joseph chapa hilo ahim?” a tiu a.

MATTHAI 13:54

Chun, a umna khaw lam chu a tung a. A kikhawpna In hawu a chun amau haw a sinsak ta a, khutichun mak a sa ten tau a, “Zie pa hin zie chitna leh zie thilmak hih theihna haw hi hâwi apat a a muh ahi?

NASEPTE 26:24

Chun, khutibanga a thiemna thu a gen lai chun, Festas chun aw ngeih tak in, “Paul, a ngawl na hii, na sin tam na’n a hun sungawl ahi hi,” a ti a.

JOHAN 7:46

Mi mante chun, “Tawbang himhim khun kuoma’n thu a gen kha puou!” ti’n a dâwng u a.

LUKE 2:47

Chun, a thu za ta chun, a dâwn thiem dante chuh mak a sa tau a,

MATTHAI 22:22

Zie thu haw chuh a het phet un, mak a sa ten u a; amah chuh a taihsan u a, a chieh mang kêi tau a.

JOHAN 1:19

Chun, Judate’n, “Kuo na hi?” ti a dawng dinga, Jerusalem khuo apat a thiempute leh Levi chi laka mi a sawl lai u khan ziehaw hi Johan thu na hetsak chuh ahi:

MATTHAI 22:33

Chun, mipite chun zie chuh a zak un, a thugen chuh mak a sa ten uh a.

1 SAMUEL 10:11

Chun, hiti hi ahi a, tuma lama amah ana hesate’n thiemgaute thu genlawkna ah a tel hi tih a het phet un mipite chu a kiho u a, “Kish chapa chunga hih bang tung ahi ta? Saul le thiemgaute laka tel a hita maw?” a tiu a.

JOHAN 7:11

Judate’n amah chuh Kut na achun a hawl u a, “Khawitak ah a um hi?” a tiu a.

JOHAN 7:13

Himahlele, Judate a lauh ziekun kuoma’n a chungchâng thu tâng-phuong takin a gen ngam puou hi.

NASEPTE 4:13

Chun, Peter leh Johan hansan zie chuh a muh un, lehkha thiemlo leh, mi mawl mai ahiu hi tih a heu a, mak a sa mah mah tau a. Ziephet chun, Isu kawmah a um kha tau hi tih a he tau a.

ISAI 29:12

Chuleh, a sim thei lote chule pieu inla, a kawmah, “Lungsiet takin ziehi sim in,” ti’n pie lele, amah chun, “Ka sim thei puou,” ti zel ina.