JOHAN 6:68 - PATHIEN LEKHABU THIENGTHO (BSI)

⁶⁸ Simon Peter in a kawmah, “Lalpa, kuo kawma e ka chieh dinguh? Nangin kumsawt hinna na nei a puo!

JOHAN 6:68 ပူးပေါင်းရင်းမြစ်များ

SAM LEHKHABU THE PSALMS 73:25

Van a khun nang tih loh kuo ka nei em? Lei ah nang lo ngâl ka deih a um puoi.

MATTHAI 16:16

Ziephet chun, Simon Peter in a dâwng a, “Krista, Pathien Hing Chapa chuh na hi,” a ti a.

MARK 8:29

Ziephet chun, ama’n a kawm u ah, “Aleh, nangun kuo ahi nei tiu hi leh?” ti’n a dawng a. Peter in a kawmah, “Krista chuh na hi,” ti’n a dâwng a.

LUKE 9:20

Chun, amah chun a kawm u ah, “Nangun kuo ahi nei tiu hi leh?” a ti a. Peter in a dâwng a, “Pathien Krista chuh na hi,” a ti a.

JOHAN 12:49

Ka phuok kawma ka gen ei puoi, Pa ei sawlpa chun ka gen ding leh ka hilh ding chuh thu ei piek zawk ahi.

JOHAN 12:50

Amah thupiek chuh kumkhuo hinna a hi tih ka hêi; zieziekchun, thu ka gen hi, Pa ei hilh bang zel a ka gen a hi,” a ti a.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

JOHAN 6:40

Chun, ziehi ka Pa deih bang ahi: kuole, Cha mu a gingcha ta’n kumsawt hinna nei a, chun, ken ni tawp ni leh hinna a ka kaih thawh ding chuh,” a ti a.

JOHAN 6:63

Hinna pietu chuh Thagau ahi a, mihiem thilhih theihna chuh bangmah a kân puoi. Na kawm u a ka thugen hi Thagau ahi a, chun, hinna le ahi.

NASEPTE 13:26

“Suohpihte haw, Abraham suonpa chate haw, na lak u a Pathien ging chengcheng te haw, eimau haw kawma hin zie hukdamna thu haw hi I hun thâk dawk uh ahi hi.

NASEPTE 4:12

Mi dang kuomah kawmah hukdamna a um puoi; van khupsin nuoi ah, mihiem sak lak ah, ei hukdam ding min dang himhim a um puoi,” a ti a.

NASEPTE 5:20

“Chieh unla, Pathien Ho-In ah va ding unla; mite kawmah zie hinna thak thu chengcheng hi va gen un,” a ti a.

NASEPTE 7:38

Amah chuh ahi, gamthip a mi kikhawmkhawmte laka, Sinai tânga hopihpa vânsâwlchâk kawm leh, ei uh ei suonte kawma um khah; amah chuh, ei piek sawn dinga thuhing haw lapa chuh ahi.

NASEPTE 8:37

Philip in a kawmah, “Na lungthim cheng chenga na ginchak chun, baptistma chang thei inla,” a ti a. Amah chun, “Ka gingchâi, Isu chuh Pathien Chapa ahi tih ka gingchâi” ti’n a dâwng a.