JOHAN 6:62 - PATHIEN LEKHABU THIENGTHO (BSI)

⁶² Mihiem Chapa hi, tuma a a umna ngeia kal to na muh u chun bang na lawh ta ding u leh?

JOHAN 6:62 ပူးပေါင်းရင်းမြစ်များ

MATTHAI 8:20

Isu’n a kawmah, “Si-âlte’n kuo a nei u a; vachate’n bu a nei u a, himahleh, mihing chapa hin vang lungakna ding a nei puoi,” a ti a.

MARK 16:19

Khutichun, Lalpa Isu’n a kawm u a thu a gen zawhin, van a puih toh in a um a, Pathien changlam ah a va chu ta a.

LUKE 24:51

Chun, tihi ahi a, amau haw a vangsak lai tak chun, amau haw chuh a kikhenpih a, van a puih toh in a um ta a.

JOHAN 16:28

Kei Pa kawm apat a hung a, van nuoia hung ka hii; vannuoi taihsan a. Pa kawma chieh kit ding ka hii,” a ti a.

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.

JOHAN 3:13

Van apana hung suk Mihiem Chapa ngâllo kuomah van ah a kal ngei puou hi,” a ti a.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

JOHAN 6:42

“Zie pa hi Joseph chapa Isu hilo ahim? A nu leh a pa le I heu hi, van apana hung suk ka hi, bangti tih a a tih a hi die leh?” a tiu a.

JOHAN 6:53

Ziephet chun, Isu’n a kawm u ah, “Tihtakzet, tihtakzet a ka hilh na hiu hi, Mihiem Chapa phehlevo na nek u a, a thisan na dâwn loh u chun, nangmau in hinna nei hawn lo chuh.

NASEPTE 1:9

Chun, zie thu haw chuh a gen zawhin, a muh zing sau in van a puih toh in a um ta a, tichun, meipi’n a muhphak loh u ah a puito ta a.

1 PETER 3:22

Amah chuh van a kalto in, vânsâwlchâkte chunga leh, van thuneihnate leh, thilhih theihnate chunga vaihawm in, Pathien changlam akhun a chu ta a.