JOHAN 6:51 - PATHIEN LEKHABU THIENGTHO (BSI)

⁵¹ Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

JOHAN 6:51 ပူးပေါင်းရင်းမြစ်များ

MATTHAI 20:28

Mihiem Chapa hi zen a um dinga hung ahi puoh a, mi zen ding leh, mi tamtak tatna dinga a hinna pie dinga hung a hih guol hin,” a ti a.

LUKE 22:19

Chun, chângthâk a la a, kipah thu a gen zawhin a phelsuoh a, a kawm u ah a pie a, “Ziehi ka sapum, na sik u a piek ding chuh ahi, nei hetzingnau in zie hi hih sek un,” a ti a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 1:29

Chun, a zing chun, Johan in Isu a kawma hung dingin a mu a, a gen a, “En tiem u, Pathien Belamno, vannuoi gitloh la mang pa khuh!

JOHAN 11:26

kuole, ei gingcha a hing ta chuh, kumkhuo’n thi ta puo’n a, zie thu chuh na gingcha?” a ti a.

JOHAN 3:13

Van apana hung suk Mihiem Chapa ngâllo kuomah van ah a kal ngei puou hi,” a ti a.

JOHAN 3:14

Chun, Mosi’n thaleka dâkgûl a khaih kâng guol khan, Mihiem Chapa hile khaihkang a um ding ahi:

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

JOHAN 3:36

Kuole, Cha gingcha chun, kumkhuo a hinna a nei a; kuole Cha gingchalo chun hinna nei puou untin, Pathien lungnatna chuh a chungu ah um zing zaw’na, a ti a.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

JOHAN 6:33

Pathien chângthâk piek chuh, van apana hung suk, vannuoi leisiet kawma hinna piepa hi ahi,” a ti a.

JOHAN 6:35

Isu’n a kawm u ah, “Kei hi hinna chângthâk chuh ka hi, kuole, ka kawma hung chuh a gil kiel puo’n a, kuole, ei gingcha chuh, bangtik inle a dangchâk puo’n a.

JOHAN 6:41

Chun, “Van apat a chângthâk hung suk chuh ka hi,” a tih ziekin, Judate chuh a chungah a phunchiek u a.

JOHAN 6:47

Tihtakzet a ka hilh na hiu, kuole, a gingcha chun, kumsawt a hinna a nei hi.

JOHAN 6:48

Kei hi hinna chângthâk chuh ka hi.

JOHAN 6:50

Himahlele, van apat a chângthâk hung suk chuh zie tawbang hi ahi, mi’n a nek a, a thih loh nau hi.

JOHAN 7:38

Kuole, ei gingcha chuh, Pathien lehkhabu gen guolin, hintui lui haw chuh a lunggil apat hung luong dawk ina,” a ti a.

2 KORINTH 5:19

Khati a, Pathien in, Krista-ah chun mihing chengcheng hi amah tawh kicham in a siem a, a sukkhelhna hawu chuh, sukkhelhna a san sak lo in, kichamna thu ei piek zawk uh ahi.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

EPHESI 5:2

Chun, Krista’n, a hun hehpih a, gimlim a dingin, Pathien kawma thillat leh kithawihna a I sik uh a a kipiek guol khan, hehpihna ah um un.

EPHESI 5:25

Pasalte haw, na ziteu hehpih un, Krista’n sapchuom haw a hehpih a, a sik uh a amah a kipiek bang khan.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

HEBRAI 10:20

Eihaw ading in puonzak, zie chuh a sapum ngêi chuh ahi; hun hawng in, lam thak leh hing ngêi chuh a hun hawng tai.

1 PETER 2:4

Lalpa, Suong Hing, mihiemte’n thil manloh banga a nawlh uh, Pathien ngaih a vang chuh ten dawk leh lul tak kawm achun hung un.

1 JOHAN 2:2

Amah chuh I gitlohteu lutchamna a hii; eihaw gitlohna mai hilo in, mi chengcheng gitloh lutchamna le ahi.

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

1 JOHAN 4:14

Chun, Pa’n a Chapa chuh khawvel hukdampa dingin a hun sawl hi tih keihaw’n ka mu tau a, mi dangte ka hilh sawn uh ahi.