JOHAN 6:46 - PATHIEN LEKHABU THIENGTHO (BSI)

⁴⁶ Mi kuoma’n Pa a mu ngei puou hi, Pathien kawm apat a hung pa ngâllo chun, amah chauh chuh Pa mu ahi.

JOHAN 6:46 ပူးပေါင်းရင်းမြစ်များ

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 7:29

Himahleh, ken ka hêi, amah apat a hung leh, amah ei sawl ka hih ziekin,” a ti a.

LUKE 10:22

“Ka pa’n bangakai ei vawp sak tai, Chapa chuh kuo ahi tih Pa ngâllo chun kuoma’n a he puoi; Pa chule kuo a hih, Chapa leh a kawm u a Chapa’n a phuon nawp nate ngâllo chun kuoma’n a he diek puou,” a ti a.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.

1 JOHAN 4:12

Kuoma’n, bangtik lai inle Pathien a mu kha puou hi. Himahlele, I kihehpih tuoh uh chun, Pathien eimau ah um zing intin, a hehpihna le eimau ah bukim ta’n a.

KOLOSSA 1:15

Krista chuh muh theih loh Pathien lim, thilsiem dang cheng sanga chungnung a, chapa pieng masapen chuh ahi.

JOHAN 15:24

Thil kuomah hih khâk loh cheng a kawm u ah hih kileng, gilo a thiemmawh kichanna nei lo ding ahiu a, tu’n vang chuh, amau in kei leh Pa chuh ka nih un ei mu tau a, hawt le ei haw a hi tau hi.

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

JOHAN 8:19

Amau chun a kawmah, “Na pa hawitak a um a?” ti’n a dawng u a. Isu’n a dâwng a, “Nang un kei nei he puou a, ka Pa le na he diek puou; Kei nei het u chun, ka Pa le he’n lau,” a ti a.

JOHAN 5:37

Pa, ei sawlpa ngêi chun le, ka chanchin a hetsak tai. Nang haw’n bangmah tikin a aw na za kha puou a, a mel le na mu kha puou hi.

PAWTDAWKNA 24:10

Israel Pathien chuh a va muu a; chun, a kêngpêk nuoi chuh sapphire suongmantam a kisiem hileh kilawm a um a, a thien zie chuh van taksa thien guolin a thieng a.

JOHAN 14:7

Kei nei he leu chin, ka Pa le he ding na hi tau a; tu’n amah na he tau a, amah na mu ta ngâl u a,” a ti a.