JOHAN 6:40 - PATHIEN LEKHABU THIENGTHO (BSI)

⁴⁰ Chun, ziehi ka Pa deih bang ahi: kuole, Cha mu a gingcha ta’n kumsawt hinna nei a, chun, ken ni tawp ni leh hinna a ka kaih thawh ding chuh,” a ti a.

JOHAN 6:40 ပူးပေါင်းရင်းမြစ်များ

ROME 6:23

Gitloh man chuh thihna ahi ngâl a, Pathien thil thawnpiek vang chuh, I Lalpau Isu Krista zal chun kumsawt a hinna ahi.

JOHAN 6:54

Kuole, ka phehlevo ne a, ka thisan dâwn chun, kumkhuo a hinna a nei tai; chun, ni tâwp ni chuleh amah chuh kaitho ing ka.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

JOHAN 11:25

Chun, Isu’n a kawmah, “Kei hi thawh kitna leh hinna chuh ka hii. Kuole, ei gingcha chuh, thi mahlele hing ina;

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 14:19

Chawmkhat hal leh, khawvel in ei mu kit ta puo’n au; himahlele, nang u vang in chuh ei mu’n lau; keimah ka hin ziekin, nang haw le hing un lau.

JOHAN 12:45

Kuole, ei mu chuh ei sawlpa mu ahi.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

JOHAN 3:36

Kuole, Cha gingcha chun, kumkhuo a hinna a nei a; kuole Cha gingchalo chun hinna nei puou untin, Pathien lungnatna chuh a chungu ah um zing zaw’na, a ti a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

LUKE 2:30

Na hukdamna, mitin muh a na siem khah,

1 JOHAN 2:25

Chun, ziehi ahi, Krista mawng in thu ei tiem khah, kumsawt a hinna hih.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

JOHAN 17:2

Mi chengcheng chunga thunei in na siem a, ti a chuh, na piekte kawma hinna a piek theihna dingin.

JOHAN 10:28

Amau haw chuh kumkhuo a hinna ka pie a, thi ngei ta puo’n au. Kuoma’n ka khut apat ei chuhthâk sak ta puo’n au.

JUDA 1:21

Thagau Thiengtho thilhih theihna a paucham in, Kumsawt hinna, a hun piek ding, I Lalpau Isu Krista khuotuohna ngak kawmin, Pathien hehpihna achun kivawp phau un.

1 PETER 1:8

Amah chuh, mu khalo mah leu chin le na hehpih uh a, amah chuh tuhin mulo mahleu chin le, na taksang uh a, khutichun, kipahna nasatak leh lopi tak, thu maia gen theih loh chun na lawp uh a;

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

ROME 5:21

Gitlohna’n thihna a vai a hawm guol mah in, lungsietna chun diktatna’n, kumkhuo hinna chan theihna khawp in I Lalpau Isu Krista zal chun vai a hawm tai.

JOHAN 12:50

Amah thupiek chuh kumkhuo hinna a hi tih ka hêi; zieziekchun, thu ka gen hi, Pa ei hilh bang zel a ka gen a hi,” a ti a.

JOHAN 8:56

Na puu Abraham kha, ka ni hung mu ding a hih ziekin a lawp mah mah a, a mu ta ngêi a, a kipâk ahi.” a ti a.

MARK 16:16

A gingcha a baptistma chang chuh hukdam in um intin, a gingcha lo chuh vang mawhchang in um ina.

ISAI 53:2

Amah chuh lei gaw tak apat a thil zung kek guola, a suok khan dawk chuh Lalpa phasak lam ahi ngâla. Pienken phatna leh mel hawihna himhim a nei puoh a; amah I muh u a I deih na dingun hawihna himhim a nei puoi!

HEBRAI 11:1

Chun, taksanna hi kinepna thil haw hetchienna, muh loh thil a um mawng hi tih phawtchienna a hii.

HEBRAI 11:27

Taksanna ziekin leng lungnat chuh lau lo in, Aigupta gam a taihsan a, muhtheihlohpa chuh a muh ziekin a thuok tuntun a.

JOHAN 14:17

Zie chuh Pathien chanchin diktak phuongdawk sek Thagau chuh ahi. Vannuoi in zie chuh a nei thei puou hi, amah a muh loh u a, het le a het loh ziekun. Nang haw’n vang, na kawm u a a um zing ziek leh, nangmau a a um ziekin, amah chuh na heu hi.

MATTHAI 10:15

Tihtakzet a ka hilh na hiu hi, thutan ni leh zie khuote sang chun Sodom leh Gomorra gam thuok ding chuh a dân um zaw’n a!

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

JOHAN 6:39

Ei sawl pa deih bang chuh, Ama’n ei piek chengcheng khat chale mansak lo a, ni tâwp ni a a bawn u a hinna changa kaih thawh vek chuh ahi.

JOHAN 6:44

Pa, ei sawl pa’n a hîp loh chun, kuomah ka kawmah hung thei puo’n au; chun, ken ni tâwp ni chuleh a hung chuh kaitho ing ka.

JOHAN 11:24

Martha chun a kawmah, “Ni beih ni a thawhkitna ni a chun thokit ina tih ka hêi,” ti’n a dâwng a.

KISIMNA 21:9

Khutichun Mosi chun sumeng gûl lim a siem a, khuom ah a khâi ta a; kuole, gûl chuk taphawt chun sumeng gul lim chuh a et u leh, a dam zel tau hi.