JOHAN 6:38 - PATHIEN LEKHABU THIENGTHO (BSI)

³⁸ Kei deih bang hih dinga van apat a hung suk ka hi puoh a, ei sawl pa deih bang hih dinga hung suk ka hi zawi.

JOHAN 6:38 ပူးပေါင်းရင်းမြစ်များ

JOHAN 5:30

“Keimah chauh in bangmah ka hih thei puoi; bil a ka zak bang zelin vai ka hawm sek, ka vaihawm chuh diktak ahi, keimah thu thu’n hih ka guo puoh a, ei sawl pa thu thu a hih ka guot zawk sek ziekin.

JOHAN 4:34

Isu’n a kawm u ah, “Ei sawlpa deih dân hih leh, a nasep zawh ding hi ka an ahi.

JOHAN 3:31

Chunglama kipata hung pa chuh, mi chengcheng sangin a lien zawi. Leisiet a kipan chuh, leisiet mi ahi a, lei thilte mai a gen sek, himahleh, van apat a hung vang chuh, thil chengcheng sanga chungnung pên ahi.

ISAI 53:10

Himahlele, zêp thidup a a um chuh Lalpa phasak lam ahi a, suknat in a um ta ngeia, a hinna chuh gitloh ngaihdamna dinga kithawihna ahi ngâl a, a mah chite chuh hun mu’n tin; a nite chuh suksau sak in tin, tichun, Lalpa deihlam chuh amah achun sukbukim in um ina.

JOHAN 6:33

Pathien chângthâk piek chuh, van apana hung suk, vannuoi leisiet kawma hinna piepa hi ahi,” a ti a.

JOHAN 3:13

Van apana hung suk Mihiem Chapa ngâllo kuomah van ah a kal ngei puou hi,” a ti a.

HEBRAI 5:8

Chapa hiel himahlele, thuoknate apat chun, thu awihna chuh a sin ta a.

ROME 15:3

Krista chun le, amah kipahna a hawl puoi. Pathien Lehkha thu’n, “Nang hun gaite hosietna chuh, kei chungah a chu ta a,” a tih guol khan ahi zawi.

EPHESI 4:9

Tichun, “A va kal” kiti hi bang tihna ahi leh? Zie umzie chuh, a lei mun niem pên ah a hung kum suk a.

MATTHAI 20:28

Mihiem Chapa hi zen a um dinga hung ahi puoh a, mi zen ding leh, mi tamtak tatna dinga a hinna pie dinga hung a hih guol hin,” a ti a.

JOHAN 3:17

Pathien in khawvel mawhchansak dingin a Chapa khawvel ah a hun sawl puoh a, amah zieka hukdama a um theihna dingun a sawl a hi zawi.

JOHAN 5:19

Isu’n amau haw chuh a dâwng a, “Tihtakzet, tihtakzet a ka hilh na hiu hi, Chapa’n amah mai in bangmah a hih thei puoi; Pa thilhih a muh ngâl loh chuh; Pa’n a hih bang bang chuh Chapa’n le a hih sek ahi.

JOHAN 6:29

Isu’n a kawm u ah, “Pathien nasep chuh ziehi ahi: a mi sawl hi gingchau in,” a ti a.

JOHAN 6:42

“Zie pa hi Joseph chapa Isu hilo ahim? A nu leh a pa le I heu hi, van apana hung suk ka hi, bangti tih a a tih a hi die leh?” a tiu a.

JOHAN 6:57

Pa hing chun ei sawl a, Pa vanga hing ka hih guol mah hin. Zieziekchun, kuole, kei ei ne chuh keimah vangin amah le hing ina.