JOHAN 6:37 - PATHIEN LEKHABU THIENGTHO (BSI)

³⁷ Pa’n ei piek chengcheng chuh ka kawmah hung vek un au; kuole, ka kawma hung chuh nawhdawk hiel puo’ng ka.

JOHAN 6:37 ပူးပေါင်းရင်းမြစ်များ

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

JOHAN 6:39

Ei sawl pa deih bang chuh, Ama’n ei piek chengcheng khat chale mansak lo a, ni tâwp ni a a bawn u a hinna changa kaih thawh vek chuh ahi.

JOHAN 17:24

“Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

JOHAN 17:6

“Nangin khawvel apat a mi nei piek dawkte kawm achun na min ka sulang tai. Amau haw chuh nanga ahiu a, nangin kei nei piekte ahi ngâl u a. Amau chun na thu a zawp tau hi.

JOHAN 17:2

Mi chengcheng chunga thunei in na siem a, ti a chuh, na piekte kawma hinna a piek theihna dingin.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

HEBRAI 4:15

Thiempu Lienpen, I hatlohnau ei hetpih a ei thuok pih khalo nei I hi puoh ngâl u a; eihaw guola bangakaia thepna tuoksa, hilele, gitlohna bei, nei I hi zawu ie.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

1 TIMOTHE 1:16

Himahlele, Pathien chuh ka chunga zahngai in, kei, migilo pente laka gilopen chunga hi, Krista Isu thuokhhatna bukim chuh suklat ahi a; tunung a amah hun gingcha a, kumsawt hinna hung chang dingte etsakna dingin ei hun mang ta a.

ISAI 42:3

Luong kihek gawpsa chuh hekbawng pai puo’n tin, phita kuong liek liek chule sumit diek puo’n a; Thudik chuh ginum takin puodawk ina.

JOHAN 6:65

Amah mah chun, “Zieziekchun ahi, na kawm u a, ‘Pa’n a piek a hih loh chun, kuomah ka kawmah hung thei puo’n au,’ ka tih khah,” a ti a.

ISAI 41:9

Kâwlmawng tâwp apat in ka hun puikhawm a, gam tawppen apat in ka hun sam khawm a, na kawm u ah, ‘Ka suokte na hiu a.’ Ka hun nawlh puoh a, ka hun tel zawk na hiu ui.

ROME 5:20

Chun, sukkhelh kilat zawk theihna’n, Dan a hung um a. Himahlele, gitloh punna chengah lungsietna chule a pung zaw diek sek hi.

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.

1 JOHAN 2:19

Amau haw chuh I lak uh apat in a pawt uh a, eihaw tawh I kitimatnau a um loh ziekin. Eihaw tawh kitimatna um hile chuh, I kawmuh a um zing ding a hi ngâl uh a. Himahlele, eihaw tawh I kitimatnau a um puoi tih suklatna dingin, ei taihsan sek uh ahi.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

SAM LEHKHABU THE PSALMS 110:3

Na tâng thiengtho a na mite ma na hun puih tieng leh: Thiengtho kilawmna a zinglam gilsung a kipatin, Na khangdawng dâichîm chu na kieng ah hung un au.

SAM LEHKHABU THE PSALMS 102:17

Chagahte ngetna chuh a limsak a, A pauchamnau chuh a musit puoi.

PHILIPPI 1:29

Krista dinga nasep theihna ding hun lemchâng piek na hiu a, amah na ginchak mai uh hilo in. amah zieka na thuok uh le phal a hi ngâl a.

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.

JOHAN 9:34

Chun, amau chun a kawmah, “Nang na pum changsana gitloh a pieng na hi a puo, nangin nei hun hilh vangvei hih!” ti’n a dawng u a. Khutichun, kikhawpna In apat chun a nawhdawk tau hi.