JOHAN 6:35 - PATHIEN LEKHABU THIENGTHO (BSI)

³⁵ Isu’n a kawm u ah, “Kei hi hinna chângthâk chuh ka hi, kuole, ka kawma hung chuh a gil kiel puo’n a, kuole, ei gingcha chuh, bangtik inle a dangchâk puo’n a.

JOHAN 6:35 ပူးပေါင်းရင်းမြစ်များ

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.

JOHAN 6:41

Chun, “Van apat a chângthâk hung suk chuh ka hi,” a tih ziekin, Judate chuh a chungah a phunchiek u a.

ISAI 49:10

A gil uh kiel ta puo’n tin, a dang uh châk diek puo’n a; huihlum in a sugimthei in, nisa’n ka diek ta puo’n a, amau haw lungsietpa chun puihuoi intin; tichun, lui luong pang haw achun pui intin, tui nak nei mun haw achun pui ding ahi ngâla.

THUPHUON 7:16

Gilkiel kit ta puou un tin uh, a dang uh le châk kit diek ta puo’n a; nisa’n le kâng ta puo’n tin, lum himhim inle sugimthei diek ta puo’n a.

JOHAN 6:37

Pa’n ei piek chengcheng chuh ka kawmah hung vek un au; kuole, ka kawma hung chuh nawhdawk hiel puo’ng ka.

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

LUKE 6:25

“Nanguh, tu a vah te haw, na chunguh a gik hi, hung gilkiel ding na hi ngâl u a. Nanguh tu a nui te haw na chung uh a gik hi; lungkham a hung kap ding na hi ngâl u a.

JOHAN 6:65

Amah mah chun, “Zieziekchun ahi, na kawm u a, ‘Pa’n a piek a hih loh chun, kuomah ka kawmah hung thei puo’n au,’ ka tih khah,” a ti a.

JOHAN 5:40

Himahleh, hinna nei dingin ka kawmah na hung nuom puoh ngâl u a.

JOHAN 4:15

Chun, numei chun a kawmah, “Hepu, zie tui chuh ei pieh, ka dangchâk lohna ding leh, zie chan gama tui khâi dinga ka hung lohna dingin,” a ti a.