JOHAN 6:27 - PATHIEN LEKHABU THIENGTHO (BSI)

²⁷ An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

JOHAN 6:27 ပူးပေါင်းရင်းမြစ်များ

KOLOSSA 3:2

Chunglama thil um haw achun na lungthim uh nga chak un, leia thil um haw achun nga lo in.

ISAI 55:2

Vahna ding hilo a, bang zieka dangka seng a, lung-awihna tun diek lo dinga bang zieka na sepgim uh ahi? Ka thugente hi gunchuh takin ngaithau unla, an pha chuh neu inla, tichun, na hinnau chuh thil thau achun lung-awi hen.

JOHAN 6:54

Kuole, ka phehlevo ne a, ka thisan dâwn chun, kumkhuo a hinna a nei tai; chun, ni tâwp ni chuleh amah chuh kaitho ing ka.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

JOHAN 6:40

Chun, ziehi ka Pa deih bang ahi: kuole, Cha mu a gingcha ta’n kumsawt hinna nei a, chun, ken ni tawp ni leh hinna a ka kaih thawh ding chuh,” a ti a.

ROME 6:23

Gitloh man chuh thihna ahi ngâl a, Pathien thil thawnpiek vang chuh, I Lalpau Isu Krista zal chun kumsawt a hinna ahi.

JOHAN 10:28

Amau haw chuh kumkhuo a hinna ka pie a, thi ngei ta puo’n au. Kuoma’n ka khut apat ei chuhthâk sak ta puo’n au.

JOHAN 6:51

Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

JOHAN 17:2

Mi chengcheng chunga thunei in na siem a, ti a chuh, na piekte kawma hinna a piek theihna dingin.

MATTHAI 6:19

“Leia leikha leh tui-êk in a nêk siet na leh, guchate’n a vihvan u a a gûk theihnau ah nang u dingin go khawlkhawm kiu.

JOHAN 6:58

Ziehi van apana chângthâk hung suk chuh ahi, na puteu na pateu in chângthâk a nek u a, a thih sek guol u khah ei puoi; kuole, zie chângthâk ne hi chuh kumkhuo’n hing zing ina,” a ti a.

2 PETER 1:17

Amah chun, Pa Pathien kawm apat limbawlna leh lopina a mu a, zielai chun lopina nasatak apat chun, zie tawbang aw hi a kawmah a hungtung a “Ziehi, ka chapa deihtak, ka lungkimna mah mah chuh ahii,” ti’n.

PHILIPPI 2:13

Amah kipahlam hih ut ding leh thu zawp dinga nangmau a sem pên chuh Pathien a hi ngâl a.

JEREMIA 15:16

Na thu chuh suklat ahi ta a, na thute chuh ka ngaitha a. Aw Lalpa Bangkim hihthei Pathien, nanga ka hi a. Na thu chun ka lungthim hi lawpna leh kipah na’n a hih dim a.

THUGENPA 6:7

Mihingte sepgimna chengcheng hi kamsung a ding ngaihtuohna mai ahi a, himahleh, an duhna chuh a sudim diek puoi.

1 PETER 1:24

“Mi chengcheng hampa guol ahiu a, A lopina chengcheng u le, Hampa pak bang ahi. Hampa chuh a vuoi a, A pak chuh a pulh a,

LUKE 3:22

tichun, Thagau Thiengtho chuh taksa pu’n, vakhu guolin a chungah a hung kum suk ta a. Tichun, van apat in aw a hung pawt a: “Nang ka Chapa deih tak na hi, na chungah ka kipâk mah mah hi,” a hun ti a.

1 THESSALONIKA 1:3

ka pauchamnau haw achun na min uh lo in, nangmau haw, na bawnchau a dingin Pathien kawmah kipahthu ka gen zing sek ui.

KOLOSSA 1:29

Zie chuh hih zo dingin, keimah a sem sek, Krista’n hatna lopitak ei piek chuh mang in ka sem hâm hâm sek a hii.

JOHAN 3:33

Himahleh, kuole, a thugen pawm ta phawtte chun, “Pathien chuh Diktat ahi” ti’n a sudet sek hi.

NASEPTE 2:22

“Nanguh Israel mite haw, zie thu haw hi zau in! Nazareth Isu, Pathien in amah manga na lak u a thil lopihaw, thilmak haw, melchikna haw a hih ngêi khan, a hun hêtchet sak na hiu hi. Nangmau ngêi in ziehaw khah na he ngâl u a, na lak u a hungtun tâk ziekin.

JOHAN 6:68

Simon Peter in a kawmah, “Lalpa, kuo kawma e ka chieh dinguh? Nangin kumsawt hinna na nei a puo!

LUKE 9:35

Chun, mei lak apat chun aw a hung pawt a, “Ziehi ka Chapa, ka tel pa chuh ahi, amah thu ngaiun!” a hun ti a.

SAM LEHKHABU THE PSALMS 40:7

Ziephet chun, ken, “Ngaitie, ka hung hi; Lehkhabu ziel achun ka thu zik ahi a:

SAM LEHKHABU THE PSALMS 2:7

Lalpa thutanna chuh gendawk ing ka: Lalpa’n, “Nang chuh ka chapa na hi ie; Tuni hin ka hun hinthak na hi.

HEBRAI 12:16

Chun, na lak uh ah, hûka kideihchakna ahim, Esau banga lunggil thanghuoi leh, Pathien zahlo a, a cha upa hihna an khatvei nêk a khawng tawbang hin um hiel kiu in.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

HEBRAI 4:11

Zieziekchun, kuo ahim khat zie ginchak lohna etsakna banga um a, a puk loh na dingun zie chawlhna a lut ding chun phachuomngai hitiu.

KOLOSSA 2:22

Zie tawbang thil chengcheng chuh mat kawm a beimang ding a hi a, mihiem siem kawm dân leh sinsakna a hi ngâl a.

1 KORINTH 9:2

Mi dangin sawlchak in ei ngai kimahleu, nang haw bêkin nei ngaih dinguh ahi; Lalpa dinga sawlchak ka hihna mawhuol chuh, nangmau haw hi na hi ngâl u a.

1 KORINTH 6:13

Nek ding haw chuh gilpi a ding ahi a, gilpi chuh nek ding haw a ahi kit hi; himahlele, Pathien in sumang gêl gêl ding ahi. Sapum hi kipawl thanghuoina a mat ding ahi puoh a, Lalpa nasepna dinga mat ding ahi zawi; taksa a ding chule Lalpa piek ahi ngâl a.

ROME 4:11

Khutichun, zektan loh a a um lai apat in, diktatna a mui tih hetna’n, zektan melchikna chuh a mu zaw ahi. Zieziekchun, zektan loh hi leu le, a gingcha cheng chengte pa ahih theih na dingin, diktatna chuh amau a ding ale guot ahi.

JOHAN 15:24

Thil kuomah hih khâk loh cheng a kawm u ah hih kileng, gilo a thiemmawh kichanna nei lo ding ahiu a, tu’n vang chuh, amau in kei leh Pa chuh ka nih un ei mu tau a, hawt le ei haw a hi tau hi.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 11:42

Kumkhuo’n ka thu nei zakpih hi tih ka he zing a; himahlele, zie a mipi ding haw ziek hin ka tih a hii, nang nei sawl ngêi a hii tih, ei ginchak theihna dingun,” a ti a.

JOHAN 8:18

Kei hi ka thu hetpihtu ka hi a. Pa, ei sawlpa chun le ka thu ei hetpih kit hi,” a ti a.

MARK 9:7

Tichun, amau haw lieh in mei a hung zing ta a; chun, mei achun aw a hung pawt a, “Ziehi ka Chapa deihtak ahi, amah thu ngai un,” ti’n.

MARK 1:11

Tichun, van apat in aw a hung pawt a, “Nang, ka Chapa deihtak, ka lungkimna mah mah chuh na hi,” ti’n.

MATTHAI 17:5

A gen lai takin, ngaitie, meitang vam takin amau haw chuh a hun lieh ta a, chun, ngaitie, meitang apat chun aw gi khatin, “Ziehi ka chapa deih tak, ka lungkimna mah mah chuh ahi; amah thu ngai un,” a ti a.

MATTHAI 3:17

Chun, ngaitie, van apat a aw khatin, “Ziehi ka chapa deihtak, ka lungkimna mah mah chuh ahi,” a ti a.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

JAKOB 1:11

Khutibang mah chun mi neizo vang chuh sukniem a a um ziekin kithang-at zaw hen, hampa pak banga hung mangthai ding ahi ngâla.

2 KORINTH 4:18

Khutichun, muh theih te hi en lo in, thil muh theih loh haw chuh ka en zaw sek uh ahi. Thil muh theih haw hi chawmkhat sung ding ahi a, thil muh theih loh haw vang chuh kumsawt a ding ahi ngâl a.

MATTHAI 8:20

Isu’n a kawmah, “Si-âlte’n kuo a nei u a; vachate’n bu a nei u a, himahleh, mihing chapa hin vang lungakna ding a nei puoi,” a ti a.

HABAKKUK 2:13

Ngaitiem u, mipite chun mei kâktum ding phetin a sem u a, namte chuh bangmahlo mai in a kisuchawl u a. Zie chuh Bangakai hihthei Lalpa a kipan ahi ngâl a.

THUCHINGTE 9:5

“Hung unla, ka chângthâk hi neu inla; ka uain helsa hi dâwn un.

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

JOHAN 3:15

Kuole, a gingcha ta chuh mangthai lo a, amah vanga kumkhuo hinna a neihna dingun.

JOHAN 6:47

Tihtakzet a ka hilh na hiu, kuole, a gingcha chun, kumsawt a hinna a nei hi.

JOHAN 6:53

Ziephet chun, Isu’n a kawm u ah, “Tihtakzet, tihtakzet a ka hilh na hiu hi, Mihiem Chapa phehlevo na nek u a, a thisan na dâwn loh u chun, nangmau in hinna nei hawn lo chuh.

JOHAN 6:62

Mihiem Chapa hi, tuma a a umna ngeia kal to na muh u chun bang na lawh ta ding u leh?

DAN NIHNA 30:13

‘I zak u a, I zuih theihna dingun kuo a tuipi gal lam pek a va chieh a ei va lâksak ding?’ na tih dinguh a tuipi gal lam pek a um le ahi diek puoi.