JOHAN 5:4 - PATHIEN LEKHABU THIENGTHO (BSI)

⁴ A châng châng leh Lalpa vânsâwlchâkte dîl achun a hungsuk u a, tui chuh a hung chawk sek u a, tui kinawk tienga damlo chawmlut masapen chuh bang natna hilele a dam zel sek hi.

JOHAN 5:4 ပူးပေါင်းရင်းမြစ်များ

JOHAN 5:3

Zie tak achun damlo te, mitdûkte, kêngbâite, zengte tamtak a kuol u a.

JOHAN 5:5

Chun, zie tak achun mi khat, kum sawmthum leh kum giet damlo mi khat a um a.

JOHAN 5:7

Damlo pa chun a dâwng a, “Hepu, tui a hung kinawk tieng leh dila ei kawih ding mi ka nei puoh a, ka chieh tieng leh, mi dangin ei taihkhelh sek ui,” a ti a.

2 LENGTE 5:10

Chun, Elisha chun, “Chieh in la, Jordan lui ah sagih vei va kisil inla, tichun, na phehlevo ngêi pukit in na tin, hung thieng ta’n la,” ti’n mi a sawl a.

SAM LEHKHABU THE PSALMS 119:60

Na thupiek haw zui ding in, Ka kin a, sawt ka hal puoi.

THUCHINGTE 6:4

Na mit chuh ihmut sak ki’n la, na mitkhuchung haw le kichawlhsak diek ki’n.

THUCHINGTE 8:17

Ei lungsiet taphawt chuh ka lungsiet a, gunchuh taka ei hawl taphawt chun ei mudawk ngêi in au.

THUGENPA 9:10

Na khut in sep ding a neih taphawt chuh theihtawp in sem in; na chiehna ding than achun nasep ding ahim, ngaihtuoh ding ahim hetna ahim, pilna ahim um talo ding ahi ngâl a.

EZEKIEL 47:8

Amah chun ka kawmah, “Zie tui suohlam gam lama luong hi Arabah gama luong lut ding ahi. Tuipi Thi ah luong lut intin, tichun, Tuipi tui-al chuh, tui thieng suok sak ina.

HOSEA 13:13

Israel chun hinna ding hunlemchang tak a nei a, himahleh nausen, a nu sûl apat a hung pawt ding ut lo a um guolin a ngawl a, a pawm nuom lo ahi.

ZEKARIA 13:1

“Zie ni chuh a hungtun tieng leh, David suonte leh Jerusalem mite gitlohna leh milim honau apat sukthien na dingin tuikhuk hawn in um ina,

ZEKARIA 14:8

Zie ni chuh a hungtun tieng leh hiti hi hi’n tin, Jerusalem apat in tui hing hung luong dawk intin, a kimkhat chuh suohlam Tuipi ah lut intin, a kim khat chuh tumlam Tuipi ah luong lut ina. Nipi leh phalbi lai in le kum tungin luong zing ina.

MATTHAI 6:33

A gam leh a diktatna hawl masa zawu un; tichun, ziehaw chengcheng chuh piek behlap a um ding na hiu hi.

MATTHAI 11:12

Baptist Johan um apat tuni tieng hin van gam chun thagum suoh a dona a na thuok sek a, thagum suoh mangte chun a na lak guo sek ui.

LUKE 13:24

“Kawtkhak chîp achun lut guo hâm un; ka hilh na hiu hi, mi tamtakin lut guou untin, himahleh lut thei ngâl puo’n au.

LUKE 16:16

“Mosi dân leh thiemgaute lehkha zik haw chuh Baptist Johan hun gei khan mat in a um a, zie a kipat chun, Pathien gam Chanchin Pha chuh a gen u a; mitinte chuh a lut hâmhâm u a.

1 KORINTH 6:11

Na laku a khenkhat chuh khutibang mi na hi sek u kha. Himahlele, gitlohna apat a sukthien na hi tau a; Pathien kawma lat na hiu a; Lalpa Isu Krista leh, Pathien Thagau zâla chuh, Pathien tawh kichama siem na hi tau hi.

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.