JOHAN 5:37 - PATHIEN LEKHABU THIENGTHO (BSI)

³⁷ Pa, ei sawlpa ngêi chun le, ka chanchin a hetsak tai. Nang haw’n bangmah tikin a aw na za kha puou a, a mel le na mu kha puou hi.

JOHAN 5:37 ပူးပေါင်းရင်းမြစ်များ

PAWTDAWKNA 20:19

Tichun Mosi kawmah, “Ka kawm u ahin nangin thu gen zaw tie, a na ngaitha’ng kau: Pathien chun vang ka kawm u ahin thu gen ta kiheh, khutilochun thi kha’ng kau,” a tiu a.

ISAI 26:10

Minunsie chuh deihsak in um mahleh, thil dik sin diek puo’n a: dikna gam achun diklo takin hih intin, Lalpa lopina chuh mu diek puo’n a.

MATTHAI 17:5

A gen lai takin, ngaitie, meitang vam takin amau haw chuh a hun lieh ta a, chun, ngaitie, meitang apat chun aw gi khatin, “Ziehi ka chapa deih tak, ka lungkimna mah mah chuh ahi; amah thu ngai un,” a ti a.

MATTHAI 3:17

Chun, ngaitie, van apat a aw khatin, “Ziehi ka chapa deihtak, ka lungkimna mah mah chuh ahi,” a ti a.

MARK 1:11

Tichun, van apat in aw a hung pawt a, “Nang, ka Chapa deihtak, ka lungkimna mah mah chuh na hi,” ti’n.

LUKE 24:27

Tichun, Isu chun, Mosi leh thiemgaute lehkha ah a pan a, Pathien lehkha thu a amah chanchin kizik chuh amau haw a hilh chien ta a.

LUKE 3:22

tichun, Thagau Thiengtho chuh taksa pu’n, vakhu guolin a chungah a hung kum suk ta a. Tichun, van apat in aw a hung pawt a: “Nang ka Chapa deih tak na hi, na chungah ka kipâk mah mah hi,” a hun ti a.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 14:9

Isu’n a kawmah, “Philip, chanpi hi na kawmah ka um a, khutisa chun le nei he puo maw? Kuole, ei mu chuh Pa mu a hii. ‘Pa chuh kei u le nei muh sak ah’ bangti tih a na tih ahi?

JOHAN 15:24

Thil kuomah hih khâk loh cheng a kawm u ah hih kileng, gilo a thiemmawh kichanna nei lo ding ahiu a, tu’n vang chuh, amau in kei leh Pa chuh ka nih un ei mu tau a, hawt le ei haw a hi tau hi.

JOHAN 5:32

Himahleh, ka chanchin hetsakpa chuh mi chuom ahi; amah chun ka chanchin a hetsak chuh a dik hi tih ka hêi.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

JOHAN 8:18

Kei hi ka thu hetpihtu ka hi a. Pa, ei sawlpa chun le ka thu ei hetpih kit hi,” a ti a.

DAN NIHNA 4:12

Chun, Lalpa chun mei kuong apat chun a hun hopih a; aw git na zau a, ahih ziekin, mellepâng nei bangmah na mu puou a, aw git chauh na heu ahi.

1 TIMOTHE 1:17

Leng lienpen, kumsawt a um, thi theilo, muh theih loh, Pathien khat mai pa kawm achun, limbawlnate, lopinate, kumsawt, kumsawt in um ta hen! Amen.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.

1 JOHAN 4:12

Kuoma’n, bangtik lai inle Pathien a mu kha puou hi. Himahlele, I kihehpih tuoh uh chun, Pathien eimau ah um zing intin, a hehpihna le eimau ah bukim ta’n a.

1 JOHAN 4:20

Mi’n, “Pathien ka hehpih ie,” ti’n, a suohpih haw leh, amah chuh lepchieh ahi. A suohpih, a muh sa zing bawn a hehpih loh chun, Pathien a muh khâk loh pa chuh bangti’n a a hehpih theih ding?

1 JOHAN 5:9

Mihiem hetpihna bawn I ginchak uh chun, Pathien hetpihna chuh a hatzaw ngâl a; Pathien hetpihna chuh ziehi a hii, “Ka chapa chanchin ka hetpih tai,” tih hi.