JOHAN 5:32 - PATHIEN LEKHABU THIENGTHO (BSI)

³² Himahleh, ka chanchin hetsakpa chuh mi chuom ahi; amah chun ka chanchin a hetsak chuh a dik hi tih ka hêi.

JOHAN 5:32 ပူးပေါင်းရင်းမြစ်များ

JOHAN 12:50

Amah thupiek chuh kumkhuo hinna a hi tih ka hêi; zieziekchun, thu ka gen hi, Pa ei hilh bang zel a ka gen a hi,” a ti a.

JOHAN 1:33

Amah chuh ka he nai diek puoh a, himahlele, tuia baptist dinga ei sawlpa khan ka kawmah, ‘Kuo chung hita leh, Thagau zu chu a, a chunga um zing na muh ta, amah chuh Thagau Thiengtho a baptist ding chuh hi’n a,’ ei ti a.

MATTHAI 3:17

Chun, ngaitie, van apat a aw khatin, “Ziehi ka chapa deihtak, ka lungkimna mah mah chuh ahi,” a ti a.

LUKE 3:22

tichun, Thagau Thiengtho chuh taksa pu’n, vakhu guolin a chungah a hung kum suk ta a. Tichun, van apat in aw a hung pawt a: “Nang ka Chapa deih tak na hi, na chungah ka kipâk mah mah hi,” a hun ti a.

MARK 1:11

Tichun, van apat in aw a hung pawt a, “Nang, ka Chapa deihtak, ka lungkimna mah mah chuh na hi,” ti’n.

MATTHAI 17:5

A gen lai takin, ngaitie, meitang vam takin amau haw chuh a hun lieh ta a, chun, ngaitie, meitang apat chun aw gi khatin, “Ziehi ka chapa deih tak, ka lungkimna mah mah chuh ahi; amah thu ngai un,” a ti a.

JOHAN 5:34

Mihiem thu hetsak vang chuh ka pawm puoi, himahlele, na bit theihna dingun ziehaw chuh ka gen zawk ahi.