JOHAN 5:30 - PATHIEN LEKHABU THIENGTHO (BSI)

³⁰ “Keimah chauh in bangmah ka hih thei puoi; bil a ka zak bang zelin vai ka hawm sek, ka vaihawm chuh diktak ahi, keimah thu thu’n hih ka guo puoh a, ei sawl pa thu thu a hih ka guot zawk sek ziekin.

JOHAN 5:30 ပူးပေါင်းရင်းမြစ်များ

JOHAN 6:38

Kei deih bang hih dinga van apat a hung suk ka hi puoh a, ei sawl pa deih bang hih dinga hung suk ka hi zawi.

JOHAN 5:19

Isu’n amau haw chuh a dâwng a, “Tihtakzet, tihtakzet a ka hilh na hiu hi, Chapa’n amah mai in bangmah a hih thei puoi; Pa thilhih a muh ngâl loh chuh; Pa’n a hih bang bang chuh Chapa’n le a hih sek ahi.

JOHAN 4:34

Isu’n a kawm u ah, “Ei sawlpa deih dân hih leh, a nasep zawh ding hi ka an ahi.

JOHAN 14:10

Kei Pa a ka um leh, Pa keimah a um hi tih gingcha lo na hi maw? Na kawm u a ka thugen hi, keimah phuok kawma ka gen ei puoi; Pa chuh keimah ah a um zing a, zie chun thil a hih zawk sek a hii.

MATTHAI 26:39

Chun, a malam ah kal bang zah ahim a suona, a khupbawk a, “Aw he pa, a hih theih ding chun, zie khawn hi ka kawm apat kichawn mang heh; himahlele, kei thu hilo in nangmah thu thu hi zaw hen,” tin a paucham a.

JOHAN 8:28

Khutichun, Isu mah in a kawm u ah, “Nang un Mihiem Chapa hi na khaih kâng nung u leh, amah chuh ka hii, tih leh. Ken, keimah thu’n thil bangmah ka hih puoi, Pa’n ei hilh guol zel in zie thu haw hi ka gen zawk sek a hi tih hun he ding na hiu.

ROME 15:3

Krista chun le, amah kipahna a hawl puoi. Pathien Lehkha thu’n, “Nang hun gaite hosietna chuh, kei chungah a chu ta a,” a tih guol khan ahi zawi.

JOHAN 8:50

Keimah kilimbawlna ding hawl ka hi puoh a, a hawl leh a ngaihtuoh chuh mi khat a um hi.

JOHAN 8:42

Isu’n a kawm u ah, “Pathien na pau a hih chun, nangun ei hehpih ta’n lau; Pathien kawma pawt leh, a kawm apat hung ka hi ngâl a. Keimah thu a hung ka hi puoh a, ama’n ei sawl zawk ka hi.

JOHAN 17:4

Nangin thilhih dinga nei piek kha ka hih zo a, lei chungah ka hun limbawl tai.

SAM LEHKHABU THE PSALMS 96:13

Amah chuh hung ding ahi a, Lei vaihawm dingin amah chuh hung ding ahi ngâla: Khawvel chuh diktak in vaihawm sak intin, Mi cheng cheng a thutak in vaihawm sak ding ahi.

JOHAN 18:11

Ziephet chun, Isu’n Peter kawmah, “Chemzâm kha a pai ah thun ah; Pa’n khawn ei piek hi dâwn lo ding ka him?” a ti a.

THILSIEMBUL 18:25

Nang hielin khutibang chun mi diktatte chuh migilo banga a umna dingun, mi gilote tawh suklup khawm hiel chuh hih guo sam puo’n na tin; leichung cheng chenga vaihawmpa chun diktak in hih lo ding na him?” a ti a.

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

ROME 2:2

Khutibang thilhih sekte chunga Pathien thutanna chuh a dik hi tih I he ngâl u a.

ISAI 28:6

Vaihawm a pang te dingin, vaihawmna dik hetna, kulh kawtkhak hun dote na lehnawh kitna dingin hatna hi’n a.

ZEPHANIA 3:15

Lalpa’n na chungchâng vaihawmna chuh a lamang ta a; na melmate a paih dawk vek ta ngâl a. Lalpa, Israel te Leng chuh na kawmah a um a, lauh ding himhim a um ta puoi!