JOHAN 5:26 - PATHIEN LEKHABU THIENGTHO (BSI)

²⁶ Pa ngêi chuh hinna bulpi a hih mah bangin, Chapa le amah chuom a hinna bulpi nei in a siem:

JOHAN 5:26 ပူးပေါင်းရင်းမြစ်များ

SAM LEHKHABU THE PSALMS 36:9

Hinna tuikhuk chuh na kieng ah a um ngâla: Na vak achun vak mu’ng ka tin uh.

SAM LEHKHABU THE PSALMS 90:2

Tangte pien ma a, Leichung khawvel na phuhdawk man le, Kumsawt apat kumsawt chan inle nang chuh Pathien na hi.

PAWTDAWKNA 3:14

Chun, Pathien in Mosi kawmah, “KEI CHUH KEI KA HI” a ti a. Chun, a kawm u ah: “KEI KA HI, kiti chun na kawm u a ei sawl ka hi,’ na tih ding ahi,” a ti a.

JEREMIA 10:10

Himahleh, Lalpa chauh Pathien dik ahi a, Pathien hing, kumlekhuo a lal ahi. A lungnat ni’n lei a kilîng a; Namte chun na lungnatna a thuok zo puou hi.

JOHAN 1:4

Amah achun hinna a um, zie hinna chuh mihiemte vak ahi.

JOHAN 10:18

Kuoma’n ei lâksak thei puo’n a. Keimah thu thu a pie ding ka hi zawi. Pie thei ka hi a, la kit thei le ka hi. Ziehi, ka Pa’n thu ei piek chuh ahi,” a ti a.

JOHAN 11:25

Chun, Isu’n a kawmah, “Kei hi thawh kitna leh hinna chuh ka hii. Kuole, ei gingcha chuh, thi mahlele hing ina;

JOHAN 11:26

kuole, ei gingcha a hing ta chuh, kumkhuo’n thi ta puo’n a, zie thu chuh na gingcha?” a ti a.

JOHAN 14:19

Chawmkhat hal leh, khawvel in ei mu kit ta puo’n au; himahlele, nang u vang in chuh ei mu’n lau; keimah ka hin ziekin, nang haw le hing un lau.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

JOHAN 6:57

Pa hing chun ei sawl a, Pa vanga hing ka hih guol mah hin. Zieziekchun, kuole, kei ei ne chuh keimah vangin amah le hing ina.

JOHAN 8:51

Thudik tak ka hun hilh na hiu hi, kuo’nle, ka thu a zawp chun, thih ni mel mu puo’n a,” a ti a.

NASEPTE 17:25

Thil tasam guolin, mihiem khuta zenviel inle a um puoh a, amah ngêi chuh thil chengcheng hinna te, hatna te, leh, mitin kawma thil chengcheng piepa ahi zawi.

1 KORINTH 15:45

Zieziekchun, Pathien Lehkhabu’n, “Mihing masapen Adam chuh, hinna nei a siem in a um hi,” ti a a gen chuh; Adam nunung zaw chuh hinna piepa thagau chuh ahi.

1 TIMOTHE 1:17

Leng lienpen, kumsawt a um, thi theilo, muh theih loh, Pathien khat mai pa kawm achun, limbawlnate, lopinate, kumsawt, kumsawt in um ta hen! Amen.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.

HEBRAI 1:2

Himahleh, tuhun tâwp ahin, eihaw kawmah a Chapa achun thu a gen tai. Amah achun Pathien in vannuoi pumpi hi a siem a, amah mawng chuh thil bangakai nei dingin Pathien in a teldawk nawn a.

THUPHUON 21:6

Chun, ka kawmah, “Hih zawh ahi tai! Kei Alpha leh Omega, a Bul leh a Tawp chuh ka hii. Dangchâk ta chengte kawm achun, Hinna tuikhuk a um, a thawn in pie’ng ka.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.

THUPHUON 7:17

Belamno, lalchutphah lailung a umpa chuh amau haw chingpa hi’n tin, hinna tuikhuk haw achun pui ina. Khutichun, Pathien in a mit uh apat mitthi chengcheng chuh thiek hul sak ta’n a,” a ti a.