JOHAN 5:23 - PATHIEN LEKHABU THIENGTHO (BSI)

²³ Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

JOHAN 5:23 ပူးပေါင်းရင်းမြစ်များ

SAM LEHKHABU THE PSALMS 2:12

Chapa chuh châwp u uo, khutilochun lungna kha’n tin, lamkal ah beimang kha’n lau; kintaka lungna phut ding ahi ngâla A mah a ginna nga chengcheng chuh a hamphau hi.

ISAI 42:8

“Kei hi Lalpa na Pathien ka hi a, Pathien dang mawng mawng in ka lopina hi chang puo’n au, Pahchak a ka umna hi milim pathiente kawmah pie diek puo’ng ka.

ISAI 44:6

Lalpa, Israel mipite Tandawkpa leh vengpa, Bangakai hihthei Lalpa chun hiti hin a tii, “Kei a Masapen leh a Nunung pên, Pathien khat chauh ka hi a. Kei tihloh Pathien dang himhim a um puoi.

ISAI 45:15

Nangmah ngêi chuh amah leh amah kiselgu Pathien tak tak chuh na hi, Israel Pathien, a mite Hukdampa ngêi chuh!

ISAI 45:21

Hung u henla, a chanchin uh hung gen u hen, a panpihteu chule kidawng tuoh uh hen la; Kuoa tumasang a thil hungtung ding genlawk sek? A mite hukdawk sek chuh Kei Lalpa Pathien hi hilo ka him? pathien dang himhim a um puoh ngâl a.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

MATTHAI 10:37

“Kuole a nu ahim, a pa ahim kei sanga hehpih zaw chuh ka mi hi hâwi ahi puoi; kuole a chanu ahim, a chapa ahim kei ei hehpih sanga hehpih chule ka mi hi hâwi ahi diek puoi.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

MATTHAI 12:21

Amah min chuh Jentel te’n kineppih un au,” ti a a gen kha a hung guitun theihna dingin.

MATTHAI 15:8

‘Ziete haw hin a mûk un ei limbawl un, A lunggil unla ei gamlat ngâl un.

MATTHAI 28:19

Khutichun, chieh un la, namtina mi sinsak in siem un la, Pa leh Chapa leh Thagau thiengtho min chun baptist un la;

LUKE 10:16

Chun, Isu’n a sinsakte kawmah, “Kuole, nang haw thu ngai chuh, kei thu ngai ahi a, kuole, a hun deihlo chuh, kei ei deihlo ahiu hi; chun, kuole, kei ei deihlo chuh ei sawlpa deihlo ahi,” a ti a.

JOHAN 14:1

“Na lunggil uh lunggim kiheh; Pathien na gingchau hi, Kei le ei gingchau in.

JOHAN 16:14

Amah chun lopina kei ei pie’n a; ka thugente la’n tin, nang haw kawma gen ding a hih ziekin.

JOHAN 17:10

Thil chengcheng keia tapoh nanga a hi a, nanga chule keia a hi ngâl a; amau haw ziekin limbawl in ka um sek.

ROME 1:7

Pathien deihtak, mi thiengtho hidinga sap Rome khuo a um cheng chengte kawmah: Pathien I Pau leh Lal Isu Krista apat chun hehpihna leh lungmuonna na kawm u ah um hen.

ROME 15:12

Chun, Isai in, “Jessai zung chuh um intin, Jentel lenga um dingin A hung pawt ding chule um ina; Amah chuh, Jentel te chun kineppih un au,” a ti kit a.

ROME 6:22

Himahlele, tuhin chuh gitlohna lak apat kithiel dawkin, Pathien suokte na hung hih phet u hin, thienthona mu kham in, gah na hun nei tau apuo, a tawpna kumkhuo a hinna ngêi chuh.

ROME 8:9

Himahlele, Pathien Thagau nangmau a a um tak zet chun, phehlevo a um na hita puou a, Thagau a um na hi zawu hi. Amahvang chuh, kuole, Krista Thagau neilo chuh amah mi ahi puoi.

1 KORINTH 1:3

Pathien, I Pau leh Lalpa Isu Krista kawm apat, lungsietna leh chamna na kawm u ah um hen.

1 KORINTH 10:31

Khutichun, na nek un le, na dâwn un le, na thilhih chengcheng u chuh, Pathien lopina ding ngenin hih un.

1 KORINTH 16:22

Kuo’n le, Lalpa a hehpih loh chun, hansie dawl in um hen. (Anathema) I Lalpau chuh a hung hi! (Maranatha)

1 KORINTH 6:19

Ahih leh, na sapum u chuh, na sung u a um, Pathien kawm apat na muh uh, Thagau thiengtho In ahi tih helo na hiu hi leh?

2 KORINTH 1:9

Ahi, Ka chunguh a, thihna vaihawmna tung ahi tai, ka na ti hiel u a! Himahlele, zie thil haw chuh, keimau leh keimau chunga kinga lo a, mithi kaithopa, Pathien chung maia chuh ka kingak theihna dingun hungtung ahi.

2 KORINTH 13:14

Lalpa Isu Krista lungsietna te, Pathien hehpihna te leh, Thagau Thiengtho kivawppihna te chuh na bawn uh a chungah um hen. Amen.

2 KORINTH 5:14

Krista hehpihna chun ka chamlo a ei sawl ahi; hiti hin ka heu hi: Mi chengcheng thih sik in mi khat a thi a, ziezieka chuh mi chengcheng thi ahiu hi.

2 KORINTH 5:19

Khati a, Pathien in, Krista-ah chun mihing chengcheng hi amah tawh kicham in a siem a, a sukkhelhna hawu chuh, sukkhelhna a san sak lo in, kichamna thu ei piek zawk uh ahi.

EPHESI 6:24

I Lalpau leh Isu Krista tuoi lo a hehpihte cheng kawma chun lungsietna um hen.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

HEBRAI 1:6

Chun, Cha pieng masapen chuh van nuoia hih puih lut a hih tieng, “Pathien Vânsâwlchâkte chengcheng inle, Amah chibai u he’n,” a ti a.

2 PETER 1:1

Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

2 PETER 3:18

Amahvang chuh, I Lalpau leh Hukdampa Isu Krista lungsietna leh hetna achun na khanglien un. Tuhin leh kumkhuo’n, amah kawm achun lopina um ta hen. Amen.

1 JOHAN 2:23

Kuole, Chapa kilepsan chun Pa le a pawm diek puoi; Chapa awite vang chun, Pa le a pawm ahi.

2 JOHAN 1:9

Kuole, Krista sinsakna thu a um zing lo a, chieh khel chun, Pathien a nei puoi. Kuole, zie sinsakna thu a um zing vang chun. Pa leh Chapa chuh a neih thuoh ahi tai.