Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JOHAN 5:19 - PATHIEN LEKHABU THIENGTHO (BSI)

19 Isu’n amau haw chuh a dâwng a, “Tihtakzet, tihtakzet a ka hilh na hiu hi, Chapa’n amah mai in bangmah a hih thei puoi; Pa thilhih a muh ngâl loh chuh; Pa’n a hih bang bang chuh Chapa’n le a hih sek ahi.

အခန်းကိုကြည့်ပါ။ ကော်ပီ




JOHAN 5:19
43 ပူးပေါင်းရင်းမြစ်များ  

Atûng in Pathien in lei leh vante a siem a,


Chun, Pathien in, “Hung tiem u! ei uh mellepâng pu’n, ei u bang bang in mihiem siem hitiu, amau chuh tuisuohgiet a ngahaw chung leh, chung leng vacha haw chung leh, gancha haw chung leh lei chung chengcheng leh, ganhing leia bawk vak chengcheng te chung achun thu neih sak hitiu,” a ti a.


Ka hun uou ni’n nang in nei dâwng a, Ka hinna hihhat in nei tîlkhoh a.


Lalpa chuh ngâk zing in; hattak in um inla, na lunggil chuh hangsan henla, A hi, Lalpa chuh ngak zing in!


Tichun, vante khun a diktatna chu thangko pih un a, Amah Pathien mawng chuh vaihawmpa ahi ngâla. Selah


Chun, Lalpa chun a kawmah, “Mihing kam hi kuo siem ahi? Pau theilote, bengngawngte, mitvakna piete, mitdûkte hi le kuo siem ahi? KEI, Lalpa siem hilo ahim?


Lalpa chun pilna chuh a pie a, a kam apat chun hetna leh hetthiemna chuh a pawt ngâl a.


Lalpa, nanguh hun Tandawkpa; sûl apat nanguh hun siempa chun “Kei hi Lalpa, thil chengcheng siempa ka hi, kei chauh a van zak palh a, kuomah panpih loh a leisiet siempa chuh ka hi!


“Lalpa chauh ah dikna leh Hatna a um hi,” ti’n gen un tin, himahlele, kei ei do taphawt chuh vang muolpho un au.


Kei Lalpa hi, mitin a umdan dungzui leh, a nasep gah hawu bang zela pie dinga lunggil mudawkpa leh lungthim patep sek pa chuh ka hi.”


Chun, a malam ah kal bang zah ahim a suona, a khupbawk a, “Aw he pa, a hih theih ding chun, zie khawn hi ka kawm apat kichawn mang heh; himahlele, kei thu hilo in nangmah thu thu hi zaw hen,” tin a paucham a.


na melmateu chengcheng in, a hun do dîl u a, a hun niel theih lohna ding, kam leh chitna hun pie ding ka hi ngâl a.


Kuoma’n ei lâksak thei puo’n a. Keimah thu thu a pie ding ka hi zawi. Pie thei ka hi a, la kit thei le ka hi. Ziehi, ka Pa’n thu ei piek chuh ahi,” a ti a.


Ka phuok kawma ka gen ei puoi, Pa ei sawlpa chun ka gen ding leh ka hilh ding chuh thu ei piek zawk ahi.


Amah thupiek chuh kumkhuo hinna a hi tih ka hêi; zieziekchun, thu ka gen hi, Pa ei hilh bang zel a ka gen a hi,” a ti a.


Kei Pa a ka um leh, Pa keimah a um hi tih gingcha lo na hi maw? Na kawm u a ka thugen hi, keimah phuok kawma ka gen ei puoi; Pa chuh keimah ah a um zing a, zie chun thil a hih zawk sek a hii.


Isu’n a kawm u ah, “Zie In hi hihsieu inla, ni thum sungin tung ding kit ing ka,” ti’n a dâwng a.


Isu’n a dâwng a, a kawmah, “Tihtakzet, tihtakzet a ka hilh na hiu hi, mi kuole a pienthak loh chun, Pathien gam mu thei puo’n au,” a ti a.


Pa’n mi thite a kai tho a, a hih hin sek guolin, Chapa’n le a ut ta poh a hih hing sek.


Kei deih bang hih dinga van apat a hung suk ka hi puoh a, ei sawl pa deih bang hih dinga hung suk ka hi zawi.


Khutichun, Isu mah in a kawm u ah, “Nang un Mihiem Chapa hi na khaih kâng nung u leh, amah chuh ka hii, tih leh. Ken, keimah thu’n thil bangmah ka hih puoi, Pa’n ei hilh guol zel in zie thu haw hi ka gen zawk sek a hi tih hun he ding na hiu.


Sun a hih pet in ei sawlpa na I sep ding ahi; zan hi ding ei tai, zie tieng chuleh kuoma’n na sem thei ta puo’n au.


Amah chuh Pathien in thihna kânna haw chuh a phel sak a, a kaitho ta a; amah chuh thihna tuk den guol a hih loh ziekin.


Zieziekchun, a thihna a baptistma I chanu’n, a mah tawh vuih in I um tau a; Pa lopina’n mithi lak apat Krista a kaihthawh guol khan, ei u le hinna thak a I um theihna dingun.


Himahlele, mithi lak apat a Isu kaitho kit pa, Pathien Thagau chuh nangmau a um Thagau zal chun, na sapum uh thi theite chuh suhing ina.


Ka thugen u chuh, Krista mithi lak apat a tho kit hi, tih a hih ngâl chun, bangti dana, na lak uh a mi khenkhat in, “Mithi thawhkitna a um puoi,” na tih uh a?


Lalpa Isu, hinna a kaithopa Pathien chun, eihaw le Isu tawh ei kaitho intin, nang haw tawh a umna a chuh ei puikhawm ding ahi, tih ka he ngâl u a.


Mitin in, sapum a thil bawlte, a sie a pha, I bawl bang uh a, I muh chiet theihna dingun; Krista vaihawmna chutphah masanga kilak chiet ding I hi ngâl u a.


I sukkhelhna hawu zieka thi I hih nasan un le. Krista tawh thakhat in ei na suhing ta a. hehpihna ziekin hukdam na hi tau hi.


A Thagau zâla mihiem sungnung lama chuh a thilhih theihna a sukhat a na um theihna dingun ka ngên sek a,


Amah chun I taksau thithei chuh hih lamdang in, amah taksa lopi bang tak chun siem intin; zie thilhih theihna mah chun, thil chengcheng chuh amah thu nuoi ah a kawih thei ngâl a.


Ei suhatpenpa achun thil bang cheng ka hih thei ahi.


Chun, a lopina thilhih theihna apat a hatna tin chenga sukhat a um in, thil bang cheng chung achun thuokhat takin um thei un lau.


Amah achun bangakai siem a hi a, van a umte, leia umte, muh theih leh muh theih loh cheng tawh, lalchutphah leh lalgam hita leh, vaihawmte leh thuneihna te cheng tawh Pathien in khawvel pumpi hi amah ah leh, amah a ding mah a a siem ahi.


Isu a thi a, a tho kit tai tih I ginchak ngâl u chun. amah gingcha a na ipmusate chuh, Pathien in Isu tawh kitawn in puikit ding ahi ngâl a.


Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;


A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ