JOHAN 5:17 - PATHIEN LEKHABU THIENGTHO (BSI)

¹⁷ Himahlele, Isu’n amau haw chuh a hopih a, a kawm u ah, “Ka Pa’n tu tieng inle na a sem sek, ken le ka sem sek,” a ti a.

JOHAN 5:17 ပူးပေါင်းရင်းမြစ်များ

JOHAN 14:10

Kei Pa a ka um leh, Pa keimah a um hi tih gingcha lo na hi maw? Na kawm u a ka thugen hi, keimah phuok kawma ka gen ei puoi; Pa chuh keimah ah a um zing a, zie chun thil a hih zawk sek a hii.

JOHAN 9:4

Sun a hih pet in ei sawlpa na I sep ding ahi; zan hi ding ei tai, zie tieng chuleh kuoma’n na sem thei ta puo’n au.

KOLOSSA 1:16

Amah achun bangakai siem a hi a, van a umte, leia umte, muh theih leh muh theih loh cheng tawh, lalchutphah leh lalgam hita leh, vaihawmte leh thuneihna te cheng tawh Pathien in khawvel pumpi hi amah ah leh, amah a ding mah a a siem ahi.

1 KORINTH 12:6

Nasep theih dân chuom chuom le a um a, himahleh, zie nasep theih dân chuom piepa, Pathien chuh khat ahi.

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

NASEPTE 17:28

‘Amah vangin I hing un, I tawi un, I um uh ahi ngâl a,’ ti a a gen guol u khan. Na lak u a laphuok thiemte mah in, ‘Ei u le a suonte I hi ngâl u a,’ ti a a gen guol u khan.

ISAI 40:26

Chunglam a khun na mitteu hak to unla en un! Aksite khu kuo siem ahim! Amah chun sepaihte chuh kizawm zelin a puidawk sek a a min un a sam chiet sek a; A hatna nasat ziekin leh, thilhih theihna lama a hât ziekin, khatchale kimlo a um ngei puoi.

NASEPTE 14:17

Himahleh, amah chuh kihetsakna um lo in a um puoi; thilpha hihin, van apat guohtui haw leh, kum phat kum bang a hun pie sek a; nek ding hun pie’n, na lunggil uh kipahna’n a hun hihdim sak sek hi,” a tiu a.

MATTHAI 10:29

Vasie nih paisa khatin a kikhawng sek hilo ahim? Himahlele a lak u a khatchale na Pau thu lo in tuol ah ta puo’n a.

SAM LEHKHABU THE PSALMS 65:6

Thilhih theihna a tai a kigak a, Nangmah hatna a tâng te hihdet sek chuh na hi.

JOHAN 5:16

Khutichun, Chawlhni a zie sukdamna chuh a hih ziekin, Juda te chun Isu a bawlsie tau a.

JOHAN 5:18

Zie thu a gen ziek chun Judate chun suklup a guo zaw diek tau a; Chawlhni a bawhsiet ziek mai le hilo in, Pathien amah pa a a gen ziek leh, Pathien tuka a kisiem ziekin le ahi.

JOHAN 10:36

Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

1 THESSALONIKA 2:13

Chun, zieziek hin Pathien kawmah kipahthu ka gen zing sek uh ahi: keihaw apat a Pathien thu na zak uh, na pawm lai u khan, mihiem thu pawm in na pawm puou a, Pathien thu pawm a na pawm zawk ziekun; zie chuh a dik him ngâl a. Nanguh, a gingchate chunga sempa chuh Pathien ahi.