JOHAN 4:45 - PATHIEN LEKHABU THIENGTHO (BSI)

⁴⁵ Khutichun, Galili gam a hung tun chun, Galili gama mite chun a na lawp u a, Jerusalem a Kut laia va chieh a hih ziek u leh, zie Kut hun sunga a thilhih chengcheng a muh ziek u chun.

JOHAN 4:45 ပူးပေါင်းရင်းမြစ်များ

JOHAN 2:23

Chun, Chiehkân Kut mat laia Isu Jerusalem khuo a a um lai in, mi tamtakin, a thilmak hih a muh ziekun a gingcha tau a.

JOHAN 3:2

Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

DAN NIHNA 16:16

Kum cheng leh na lak u a pasal cheng, a guot ding muna chuh, Lalpa na Pathien mau a thumvei a va kilat chiet dinguh ahi; Chângthâk Chawl sawhloh Kut leh Hapta Kut leh Bawkcha Kut haw ahin; chun, Lalpa maa kuomah khut ngawn a a hung dinguh ahi puoi;

LUKE 9:53

Himahleh, amah chuh, Jerusalem a chieh ding guola a kilat ziekin a na lawp puou a.

LUKE 8:40

Chun, tihi ahi a, Isu chuh hungkit phet chun, mipite chun nasa takin a na lawp u a, hun sawttak amah na ngak a hih tâk ziekun.

LUKE 13:1

Chun, zie lai tak chun, Galili gama mite Pilate in a thah a, a thisan uh kithawihna sa tawh a helkhawm sek thu chuh mi khenkhat in a hung gen u a.

JOHAN 4:54

Zie chuh Isu’n, Judai gam apat a Galili gama a hung nunga a thilmak hih a nih vei na ahi.