JOHAN 4:42 - PATHIEN LEKHABU THIENGTHO (BSI)

⁴² Tichun, numei kawma chun, “Tuzet hin chuh, na thugen vanga gingcha ka hi ta puou; keimau ngêi in a thu ka heu a, zie pa hi khawvel hukdampa a hi tak zet hi, tih ka he tau hi,” a tiu a.

JOHAN 4:42 ပူးပေါင်းရင်းမြစ်များ

1 JOHAN 4:14

Chun, Pa’n a Chapa chuh khawvel hukdampa dingin a hun sawl hi tih keihaw’n ka mu tau a, mi dangte ka hilh sawn uh ahi.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

JOHAN 1:29

Chun, a zing chun, Johan in Isu a kawma hung dingin a mu a, a gen a, “En tiem u, Pathien Belamno, vannuoi gitloh la mang pa khuh!

1 TIMOTHE 4:10

Khutichun, Pathien hinga chuh I kinepnau I ngak ziekun, I semgim uh a, I kinem hâm hâm uh ahi ngâl a, amah chuh mi chengcheng hukdampa ahi a, a gingchate Hukdampa ahi diek nalai hi.

2 KORINTH 5:19

Khati a, Pathien in, Krista-ah chun mihing chengcheng hi amah tawh kicham in a siem a, a sukkhelhna hawu chuh, sukkhelhna a san sak lo in, kichamna thu ei piek zawk uh ahi.

NASEPTE 4:12

Mi dang kuomah kawmah hukdamna a um puoi; van khupsin nuoi ah, mihiem sak lak ah, ei hukdam ding min dang himhim a um puoi,” a ti a.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 4:29

“Ka thilhih tâk ei hilh zel, mi khat a um a, hung unla, hung en tiem u! Krista chuh hilo ahim?” a ti a.

ISAI 45:22

Khawvela ning tin apat ka kawmah hung unla, hukdam in um un. Kei hi Pathien ka hi a, a dang himhim a um puoi.

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

JOHAN 11:17

Khutichun, Isu a tun phetin, Lazarus chuh thân ah ni li a um tai tih a he a.

MATTHAI 1:21

Chapa hun hing in tin, a min dingin ISU sa’n la: amah chun a mite a thil hihkhelh nau apat hukdam ding ahi ngâl a,” a ti a.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

JOHAN 4:41

Mi dang tamtak inle amah thugen ziek chun a gingcha tau a;

NASEPTE 5:31

Amah mawng khah, Pathien in Lal leh Hukdampa hi dingin a changlam ah a limbawl ta a; Israel te gitloh lunghei sak ding leh ngaidam dingin,

NASEPTE 13:23

Zie David suonte laka chun, Pathien in a thutiem bangin, Israel haw kawmah Hukdampa Isu a hun pie tai.

1 JOHAN 2:2

Amah chuh I gitlohteu lutchamna a hii; eihaw gitlohna mai hilo in, mi chengcheng gitloh lutchamna le ahi.