JOHAN 4:24 - PATHIEN LEKHABU THIENGTHO (BSI)

²⁴ Pathien chuh Thagau ahi, amah hote chun Thagau leh thutaka a ho dinguh ahi,” a ti a.

JOHAN 4:24 ပူးပေါင်းရင်းမြစ်များ

2 KORINTH 3:17

Chun, “Lalpa” kiti hi Thagau ahi a, Lalpa thagau umna taka chun, chamtatna a um sek.

PHILIPPI 3:3

Eihaw, Pathien Thagau zâla Pathien ho leh, Krista Isu kisuonpihte leh, phehlevo pawlam chunga zek le chan kibawlte chunga ginna ngalote hi, zektan haw I hizaw ngâl u a.

SAM LEHKHABU THE PSALMS 51:17

Pathien pawmtâk kithawihna chuh thagau thasie hi ahi; Aw Pathien, lunggil thasie leh kisik tuntun hi musit puo’n la.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

1 SAMUEL 16:7

Himahlele, Lalpa chun Samuel kawmah, “A mel ahim a sân lam ahim en ki’n la; amah hi chu ka deihloh ahi; Lalpa chun mihing et dân in a en puoh ngâla; mihing chun pawlam latdan a en sek a, himahleh, Lalpa chun chu lunggil a en zaw sek hi,” a ti a.

1 TIMOTHE 1:17

Leng lienpen, kumsawt a um, thi theilo, muh theih loh, Pathien khat mai pa kawm achun, limbawlnate, lopinate, kumsawt, kumsawt in um ta hen! Amen.

SAM LEHKHABU THE PSALMS 66:18

Ka lunggil a gitloh na ka ngaihsak chun Lalpa’n ei ngaitha puo’n a:

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

SAM LEHKHABU THE PSALMS 50:23

Kuole kipah thugen kithawihna lân ta poh chun ei limbawl sek u a: Chun, a umdan vawp kitûp kawm achun Pathien hukdamna etsak ing ka,” a ti a.

SAM LEHKHABU THE PSALMS 145:18

Lalpa chuh amah sam cheng kawm achun a nai a; Tihtak taka amah samte cheng kawm achun a nai sek hi.

JOHAN 4:23

Khutichun, a hun tung ding ei tai, tu zieng hin le a tung ei tai, zie tieng chuleh, Pathien ho tak tak te’n, Thagau leh thutak in Pathien ho un au; Pa’n zie tawbang mi chuh amah ho dingin a hawl sek ahi.