JOHAN 4:22 - PATHIEN LEKHABU THIENGTHO (BSI)

²² Nang un na het loh uh na chibai sek ui, kei hawn vang ka het u chuh ka chibai sek ui; hukdamna chuh Judate kawm apat hung tung ding a hi ngâl a.

JOHAN 4:22 ပူးပေါင်းရင်းမြစ်များ

NASEPTE 17:23

Ka khawlai vak kawma na pathien chibainau munte ka et lai in, maichâm khat, a chunga, ‘Hetloh Pathien a ding,’ ti a zik ka mu dawk a. Khutichun, he lo a na chibai sek u khah, zie mawng chuh ka hun hilh na hiu hi.

ISAI 2:3

Tichun, mi tamtak te chuh hung un tin, “Hung tiem u, Lalpa tângah, Jakob Pathien In achun chiehto hitiu, tichun, a lampite I zuih theih na dingun amah chun ei sinsak ina; Zion apat in dân hung pawt in tin; Jerusalem apat in Lalpa thu hung pawt ding ahi ngâl a,” ti’n.

LUKE 24:47

amah min in, lunghei na thu leh gitloh ngaihdamna thu, Jerusalem khuo a kipatin, namtin kawmah gen in um ina,’ ti’n.

NASEPTE 17:30

Pathien in, mihingte’n amah a het loh lai hunteu chuh kihetmawh sak in, namtin cheng chuh, tuhin, a gitlohnateu apat kihei kitna ding thu a pie tai.

SAM LEHKHABU THE PSALMS 147:19

A thu chuh Jakob kawmah a lat saka, A thuguot leh a vaihawm haw le Israel kawmah a lat sak sek hi.

HEBRAI 7:14

I Lalpau chuh Juda phung apat a hung pieng a hii tih a kichien ngâl a, zieziekchun, Mosi’n thiempu haw chanchin a gen lai khan ziehi a gen kha.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

SAM LEHKHABU THE PSALMS 68:20

Pathien chuh ei u dingin Tandawkpa Pathien ahi a; Thihna apat a suohchak na chuh Lalpa, JEHOVAH ahi.

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

EZRA 4:2

Jerubabel leh inkuon lawiupate kieng ah a hung u a, a kawm u ah, “Hun sak pih ung kau, kei un le nang haw bangin na Pathien u chuh ka hawl ngâl u a; Asuria lengpa Esar-haddon vaihawm laia kipat khan a kieng ah ka kithawi sek u a, ama’n ei pui tung tai,” a tiu a.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

NASEPTE 3:26

Khutichun, Pathien in a suok chuh a tel a, na lak u a mi tin, a gitlohnau lampi apat a kinunghei sak chieta, vangsak dingin, na kawm u ah a hun sawl masa ahi,” a ti a.

ROME 11:18

Kisuong leh chin le nang a zung khai na hi puoh a, a zung chuh nang hun khai ahi zawi.