JOHAN 4:10 - PATHIEN LEKHABU THIENGTHO (BSI)

¹⁰ Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

JOHAN 4:10 ပူးပေါင်းရင်းမြစ်များ

SAM LEHKHABU THE PSALMS 10:17

Lalpa, kingainiem te ngetna na ngaitha a: A lungthim uh kisak sak in na tin, A bil un le zak sak in na tin,

SAM LEHKHABU THE PSALMS 46:4

Lui khat aum a, zie ka haw chun Pathien khawpi chuh a sukipak sek hi, Chungnung pên pa um na mun thiengtho chuh.

PAWTDAWKNA 17:6

Ngaitie, Horeb a suongpi chung akhun na masangah ana ding ing ka ting; chun, suongpi chuh hun khên in na tin, tichun, mipite dâwn ding tui chuh hung luong dawk mai in a,” a ti a. Mosi’n Israel upate mitmuh chun khutibang chun a vak hih a.

SOLOMON LA 4:15

Nang chuh huon tuikhuk, tui laihdawk hing chuh na hi. Lebanon tâng apat luicha hung luong tawbang chuh na hi.

ISAI 12:3

Dangchâkte dinga tui thieng tak chuh kipahna ahih mah bangin, Pathien hukdamna chuh a mipite kipahna ahi ngâl a,” ti’n.

ISAI 35:6

Chun, kêngbâite chuh sazuk guolin kichawm in tin, pautheilote chun lâwpin lasau un tin, gamgaw achun luichate luong ta’n tin.

ISAI 42:6

Tichun, kei Lalpa chuh ka hi a, diktatna’n ka hun sama, thilhih theihna ka hun pie a; na khut in hun tu’ng ka ting, hun vengbit ing ka ting; Mite thuthun ding leh Jentel te salhvak dinga ka hun guot ahi.

ISAI 43:20

Ka mi, ka telte ei pahchaknau sulang dinga kei dinga ka mi siemte chuh tui dâwn ding ka piek theih na dingin thaleka tuite ka um saka.

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.

ISAI 49:10

A gil uh kiel ta puo’n tin, a dang uh châk diek puo’n a; huihlum in a sugimthei in, nisa’n ka diek ta puo’n a, amau haw lungsietpa chun puihuoi intin; tichun, lui luong pang haw achun pui intin, tui nak nei mun haw achun pui ding ahi ngâla.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

JEREMIA 2:13

Ka mite’n thil phalo nih a hih ta ngâl u a, kei hinna tuikhuk ei taihsan u a; tui kitin na ding tuikhuk a lai u a, a tuikhuk laih u chuh a khi, tui kiting theilo ding chuh!

EZEKIEL 16:35

“Zieziekchun, Aw nawhchizuok nu, Lalpa thu hi ngaiin!

ZEKARIA 13:1

“Zie ni chuh a hungtun tieng leh, David suonte leh Jerusalem mite gitlohna leh milim honau apat sukthien na dingin tuikhuk hawn in um ina,

ZEKARIA 14:8

Zie ni chuh a hungtun tieng leh hiti hi hi’n tin, Jerusalem apat in tui hing hung luong dawk intin, a kimkhat chuh suohlam Tuipi ah lut intin, a kim khat chuh tumlam Tuipi ah luong lut ina. Nipi leh phalbi lai in le kum tungin luong zing ina.

LUKE 11:13

Zieziekchun, nang haw migilo bawnin, na chateu thilpha piekna chang na het u chun, na Pau van a um chun a ngente chuh Thagau Thiengtho a pie na lâwm lâwm ding e!” a ti a.

JOHAN 16:3

Zie thil haw chuh hih un au, Kei leh Pa ei het loh ziekun.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 6:35

Isu’n a kawm u ah, “Kei hi hinna chângthâk chuh ka hi, kuole, ka kawma hung chuh a gil kiel puo’n a, kuole, ei gingcha chuh, bangtik inle a dangchâk puo’n a.

JOHAN 6:51

Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

NASEPTE 9:11

Chun, Lalpa chun a kawmah, “Tho inla, ‘Kawtthêl Zang’ a tihnau achun chieh inla, Juda In ah, Tarsas khuo a um, a min Saul kiti dawng dawk ah; ngai tie, a paucham pêt ahi a;

ROME 8:32

Amah chapa ngêi le sit lo a I bawn u a sika piepa chun. thil chengcheng le a thawn in ei pie tello ding ahi a ahim?

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

1 KORINTH 10:4

thagau lam tui a dâwn chiet u khah. Amau haw zuipa, thagau lam suongpi a khah a dâwn chiet u a, zie chuh Krista ahi.

2 KORINTH 9:15

A thilthawnpiek gen theih lohte ziekin Pathien chuh pakchai tiu!

EPHESI 2:8

Taksanna zieka, lungsietna a hukdam na hi tau hi; zie chule nangmau a pawt ahi puoh a, Pathien thilpiek ahi;

HEBRAI 6:4

Chun, khatvei khawvak changsa haw chun, van thilpiek chuh a tep kha tau a; Thagau Thiengtho chang ahi tau a,

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

THUPHUON 21:6

Chun, ka kawmah, “Hih zawh ahi tai! Kei Alpha leh Omega, a Bul leh a Tawp chuh ka hii. Dangchâk ta chengte kawm achun, Hinna tuikhuk a um, a thawn in pie’ng ka.

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.

THUPHUON 7:17

Belamno, lalchutphah lailung a umpa chuh amau haw chingpa hi’n tin, hinna tuikhuk haw achun pui ina. Khutichun, Pathien in a mit uh apat mitthi chengcheng chuh thiek hul sak ta’n a,” a ti a.