JOHAN 3:8 - PATHIEN LEKHABU THIENGTHO (BSI)

⁸ Huih, khawiale, a nawp nawp in a nung sek, a git na zai, himahlele, khawi apat a hung ahi, khawia chieh ding ahi tih na he ngâl puo’n; kuole, thagau a pieng ta, tawbang chun a um ui,” a ti a.

JOHAN 3:8 ပူးပေါင်းရင်းမြစ်များ

1 KORINTH 2:11

Mihiem thu haw chuh, mihing lungthim, a sunga um mah chun a he sek a. Khutibang mah chun, Pathien thu haw chuh, Pathien Thagau mah lo chun, kuoma’n a he puou hi.

NASEPTE 2:2

Tichun, hatkhat in, van apat in thil gi, huihpi nung guolin a hungtung ta phut a. Zie chun, a chutna In u chuh a hihdim vek ta a.

EZEKIEL 37:9

Khutichun, amah chun ka kawmah, “Huih kawm achun thu gen inla, mihing chapa, gen inla. huih kawm achun, ‘Lalpa Pathien chun hiti hin a tii: Aw, hinna hu, kâwlmawng lite apat chun hung inla; zie a mithite hi ahung hin theih na dingun hat khum in,’ ti’n,” a ti a.

1 JOHAN 2:29

Amah chuh mi diktat a hii tih, na hetuh chun, kuole, thil dik hih chuh, Pathien cha a hii tih na het dinguh ahi.

NASEPTE 4:31

Chun, a paucham zawh phet u chun, a kikhawpkhawmnau In chuh a hung lîng a, a bawn un Thagau Thiengtho in a hung dim tau a; tichun, hangsan takin Pathien thu a gen tau hi.

1 KORINTH 12:11

Himahleh, zie thil chengcheng chuh Thagau khat in, mitin kawmah a deih bang zel in thilpiek chuom chiet a pie sek hi.

JOHAN 1:13

Ziete haw chuh thisan hin a hi puou a, phehlevo deihlam a hin ahi puou a pasal deihlam a hin le ahi diek puou a, Pathien hin ahi zawu hi.

SAM LEHKHABU THE PSALMS 107:29

Huihpi chuh a suhai keia, Khutichun a tui kinawk haw a suthip kei sek hi.

SAM LEHKHABU THE PSALMS 107:25

Amah chun thu a pie a, huihpi a nung sek a, Zie chun a tui kinawk haw chuh a hih sang sek hi.

SAM LEHKHABU THE PSALMS 135:7

Amah chun meipite chu kâwlmawng a kipatin a chieh toh sak sek a; Kawlphe haw le guoh dingin a siem sek a; A thil kawihkhawmna In a kipan chun huih a ladawk sek hi.

THUGENPA 1:6

Huih chuh simlam zuonin a nung a, mâllam zuonin a hung kihei kit a, a nung viel viel a; a chiehna ngei mah a chun a chieh kuol zel hi.

JOHAN 3:7

Na pienthak ding ka hun tih hi maksa kih.

JOHAN 3:9

Nikodem in a dâwng a, “Zie thil haw chuh bangti’n a a um theih ding?” a ti a.