JOHAN 3:36 - PATHIEN LEKHABU THIENGTHO (BSI)

³⁶ Kuole, Cha gingcha chun, kumkhuo a hinna a nei a; kuole Cha gingchalo chun hinna nei puou untin, Pathien lungnatna chuh a chungu ah um zing zaw’na, a ti a.

JOHAN 3:36 ပူးပေါင်းရင်းမြစ်များ

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

JOHAN 1:12

Himahlele, amah lawp ta chuh, a kawm u ah Pathien chate hih theihna ding thu a piei, a min gingchate chuh.

1 THESSALONIKA 5:9

Pathien in a lungnatna thuok dinga ei tel I hi puou a, I Lalpau Isu Krista zâla hukdamna mu dingin ei tel zawk uh I hi ngâl u a;

EPHESI 5:6

Kuoma’n, thumanloh mai in hun thêm kiu heh. Zie thil haw ziek chun Pathien lungnatna chuh, awilo chate chungah a hungtung sek ngâl a.

ROME 5:9

Khutichun, a thisana thiem chansaka I um tâk nung u hin, amah vang chun Pathien lungnatna apat chun hukdam in um ngêi hitiu.

JOHAN 8:51

Thudik tak ka hun hilh na hiu hi, kuo’nle, ka thu a zawp chun, thih ni mel mu puo’n a,” a ti a.

JOHAN 10:28

Amau haw chuh kumkhuo a hinna ka pie a, thi ngei ta puo’n au. Kuoma’n ka khut apat ei chuhthâk sak ta puo’n au.

JOHAN 3:3

Isu’n a dâwng a, a kawmah, “Tihtakzet, tihtakzet a ka hilh na hiu hi, mi kuole a pienthak loh chun, Pathien gam mu thei puo’n au,” a ti a.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

1 THESSALONIKA 1:10

A Chapa, mithi lak apat a kaih thawh. Pathien lungnat hungtung ding apat a ei hukdawk pên, a Chapa Isu, van apat a a hung ding na ngak uh a gen sausau uh ahi.

KISIMNA 32:11

‘Aigupta gam apat a hung pawt, kum sawmnih apat a chunglam mi himhim chun Abraham te, Isak te, Jakob te kawm a kipautiema ka piek gam chuh kuoma’n mu puo’n au; ei zuih takloh ziek un:

GALATI 3:10

Dan thilhih a kinga taphawtte chuh, hansie nuoia um ahi “Dan Lehkhabu a kizik chengcheng zawp lo taphawt chuh, hansie nuoia um ahiu hi!” tih zik ahi ngâla.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

LUKE 3:6

Tichun, mi chengcheng in Pathien hukdamna chuh mu’nau,” a tii tih zik guol khan.

SAM LEHKHABU THE PSALMS 49:19

Amau chuh a suonteu-suon kawmah chieh ding ahiu a; Bangmah tikin vak hi mu ta puo’n au,

SAM LEHKHABU THE PSALMS 36:9

Hinna tuikhuk chuh na kieng ah a um ngâla: Na vak achun vak mu’ng ka tin uh.

HEBRAI 10:29

Pathien Chapa tawhden a, thugawlh thisan, amah sukthienna chuh musit a, lungsietna Thagau sumuolpho chuh, zie sanga bangti tienga na zaw a thuok taka ngaih hi dingin a na ginchak?

HEBRAI 2:3

Hiti lâwm lâwma hukdamna lopi hi thahthawt leuhing, bangti’na I suohchak theih mai zên dinguh? Zie hukdamna chuh a tûngin Lalpa ngêi manga phuon a hi a, zie chuh a zata chun a dik ngêi hi tih, ei sukdet sak uh a.

HABAKKUK 2:4

Ngaitie, kuole amah a thagau diklo chuh lawhsam in tin, himahleh, mi diktat chuh ginna’n hing ina.”

SAM LEHKHABU THE PSALMS 2:12

Chapa chuh châwp u uo, khutilochun lungna kha’n tin, lamkal ah beimang kha’n lau; kintaka lungna phut ding ahi ngâla A mah a ginna nga chengcheng chuh a hamphau hi.

JOB LEHKHABU THE BOOK OF JOB 33:28

Amah chun thâna liem lo dingin ei hukdawk a, Ka hinna chun vak chuh mun a,” a ti a.

ROME 4:15

Dan chun lungnatna a siem sek ngâl a; himahleh, Dan um lohna chun sukkhelhna le a um puoi.

LUKE 2:30

Na hukdamna, mitin muh a na siem khah,

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

MARK 16:16

A gingcha a baptistma chang chuh hukdam in um intin, a gingcha lo chuh vang mawhchang in um ina.

JOHAN 4:36

Buh ât pa’n lawh a mu sek, kumkhuo a um dingin gah a la sek hi; a tuhpa leh a ât pa a kipâk gêl gêl nangun.

JOHAN 6:58

Ziehi van apana chângthâk hung suk chuh ahi, na puteu na pateu in chângthâk a nek u a, a thih sek guol u khah ei puoi; kuole, zie chângthâk ne hi chuh kumkhuo’n hing zing ina,” a ti a.

NASEPTE 14:2

Himahlele, awi nuom lo Judate chun, Jentel te chuh, a lunggil u a suohpihte haw dingin a tîlguu a.

HEBRAI 3:18

Chun, thu ngailote kawm ngâllo achun, kuo kawmah e, “Chawlhna ka piek ding gamtiem achun lut hiel puo’n au,” ti a a kitiem khah?

HEBRAI 3:19

Khutichun, ginchak lohna ziekin a lut thei ta puou hi tih I heu hi.