JOHAN 3:33 - PATHIEN LEKHABU THIENGTHO (BSI)

³³ Himahleh, kuole, a thugen pawm ta phawtte chun, “Pathien chuh Diktat ahi” ti’n a sudet sek hi.

JOHAN 3:33 ပူးပေါင်းရင်းမြစ်များ

HEBRAI 6:17

Khutichun, Pathien in thutiem goluoh dingte kawm achun, a thilhih ding chuh a sukdanglam loh ding zie chien taka a suklat nawp ziekin, a thil tiem haw achun a kihâksiel sek ahi.

EPHESI 1:13

Nang u le, hukdamna a hun pui, Chanchin pha thudik na zak u khan Pathien mite na hi tau kha. Krista na gingchau a, chun, Pathien in amah a na hih uh etsakna dingin, thagau Thiengtho a tiem ngeia chuh mawhuol nam khum na hi tau hi.

2 KORINTH 1:22

Amah chuh, amah a ngêi I hih uh hetna dinga, tiemtehna mawhuol ei nam khumpa leh, I lunggil u a Thagau ei piepa chuh ahi kit hi.

2 KORINTH 1:18

Bang hita leh, Pathien taksan a um bangin, nangmau haw lam ah, ka thuu hi, “A hi” tih leh “A hi puoi” tih ahi gêl gêl puoh ngâl a.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

JOHAN 8:26

Nang haw chungchâng thu ahin gen ding thil tamtak leh, hun thiemmawhna ding tamtak ka nei hi. Bang hitaleh, ei sawl pa chuh mi diktat ahi; a kawm apat thu ka zâk tâk, khawvel mite kawmah ka gen sek hi,” a ti a.

ROME 4:11

Khutichun, zektan loh a a um lai apat in, diktatna a mui tih hetna’n, zektan melchikna chuh a mu zaw ahi. Zieziekchun, zektan loh hi leu le, a gingcha cheng chengte pa ahih theih na dingin, diktatna chuh amau a ding ale guot ahi.

ROME 15:28

Zieziekchun, zie nasep chuh kitûp taka ka hih zawh a, a sum tuok dawk hawu chule amau haw kawma ka piek dawk zawh phat chuleh, Spain gam zuona ka zin kawm chun, nanguh hun tawh malam ing ka.

1 KORINTH 9:2

Mi dangin sawlchak in ei ngai kimahleu, nang haw bêkin nei ngaih dinguh ahi; Lalpa dinga sawlchak ka hihna mawhuol chuh, nangmau haw hi na hi ngâl u a.

EPHESI 4:30

Chun, Pathien Thagau Thiengtho chuh sulungkham kiu in, tatna ni tienga dingin amah a chuh mawhuol kinam na hi ngâl u a.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

1 JOHAN 1:10

“Thil ka sukhiel puoi,” I tih uh chun, amah chuh lepchieh I hih sak uh a, a thu le eimau ah a um lo ahi.