JOHAN 3:32 - PATHIEN LEKHABU THIENGTHO (BSI)

³² Amah chun, a muh leh a hette chuh a gen sek a, himahleh, kuoma’n a thugen chuh a pawm nuom puou hi.

JOHAN 3:32 ပူးပေါင်းရင်းမြစ်များ

ISAI 50:2

“Ka mite hukdawk dinga ka chieh laia kha bang zieka ei ngaihsak loh uh a? Ka sap laia kha bang zieka ei dâwnglo ahiu u? Amau haw hukdawk theilo dingin ka bân hi sukchawm in a um a ahim? Ahihloh leh, hukbit dingin hihtheihna ka nei puoh a ahim? Ngaitie, thupiek chauh in tuipite ka sukang a, tuipite thalek ka suok saka, khutichun, tui um loh ziekin a sunga nga chengcheng chuh dangchâk in a thiu a; a uih zo vek tau hi.

ISAI 53:1

“Ka thugen uh kuo a gingcha? chuleh, Lalpa khut chuh kuo chungah ahim suklata a um?

MATTHAI 7:8

kuole a ngên ta chuh piek in um untin, a hawl ta chun mun au, a kiu ta chule hawn sak in um un au.

JOHAN 1:11

A mite kawmah a hung a, a mite’n amah a na he puou.

JOHAN 15:15

Suok hun tikit ta puo’ng ka; a pu thilhih suok in a he puoh ngâl a; guolte hun ti zaw ta’ng ka; Pa apat a thil ka het cheng na kawm u ah ka phuong ta ngâl a.

JOHAN 18:37

Chun, Pilate in a kawmah, “A leh, leng hilo na hi?” a ti a. Isu’n, “Hi e, leng ka hi a puo! Thutak hetsak hi ka pien lawh leh, khawvel a ka hung lawh ahi. Kuole, thutaka um ta poh in ka thu a pawm sek ui,” a ti a.

JOHAN 3:11

Tihtakzet, tihtakzet a ka hilh na hii, kei un ka het u chuh ka gen sek ui, ka muh u chuh ka hetsak sek ui, himahlele, ka thu hetsak u chuh na awi sek puou hi.

JOHAN 3:26

Khutichun, Johan kawmah a chieh u a, a kawmah, “Rabbi, Jordan gala na kawma um, a thu nei hetsak khan ngaitie, zie pa khan mi a baptist a, mi chengcheng a kawmah a hung ui,” a tiu a.

JOHAN 3:33

Himahleh, kuole, a thugen pawm ta phawtte chun, “Pathien chuh Diktat ahi” ti’n a sudet sek hi.

JOHAN 5:20

Pa’n Chapa a hehpih a, a thilhih tâk a kawmah a etsak sek; ziehaw sanga thil lopi zaw hi a kawmah hun etsak ina, mak na sak dingun.

JOHAN 8:26

Nang haw chungchâng thu ahin gen ding thil tamtak leh, hun thiemmawhna ding tamtak ka nei hi. Bang hitaleh, ei sawl pa chuh mi diktat ahi; a kawm apat thu ka zâk tâk, khawvel mite kawmah ka gen sek hi,” a ti a.