JOHAN 3:3 - PATHIEN LEKHABU THIENGTHO (BSI)

³ Isu’n a dâwng a, a kawmah, “Tihtakzet, tihtakzet a ka hilh na hiu hi, mi kuole a pienthak loh chun, Pathien gam mu thei puo’n au,” a ti a.

JOHAN 3:3 ပူးပေါင်းရင်းမြစ်များ

JEREMIA 5:21

Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

EZEKIEL 36:26

Lunggil thak hun pie’ng ka ting, chun, na sung u ah thagau thak kawih ing ka ting: na taksau apat a lunggil suong guola tâk chuh lamang ing ka ting, pheh guola nem lunggil hun pie zaw’ng ka.

MATTHAI 16:17

Chun, Isu’n a kawmah, “Simon Bar Jonah, na hampha ahi; phehlevo leh thisan in a hun hetsak ahi puoh a, ka Pa van a um in a hun hetsak ahi zawi.

MATTHAI 19:24

Ka hilh kit na hiu hi, mi neizo Pathien gama a lut sangin, sangawngsau pin bil a a lut pai a baihlam zawi,” a ti a.

MATTHAI 21:31

Ziete nih chun a kuo zaw hin a pau deih bang chuh a hih zawu hi leh?” a ti a. Amau chun, “A upa zaw chun,” a tiu a. Ziephet chun, Isu’n a kawm u ah, “Tihtakzet a ka hilh na hiu hi. siehdawlte leh nawhchizuokte chun Pathien gam a hun lut khelh ding ahiu hi.

MATTHAI 5:18

Tihtakzet a ka hilh na hiu hi, lei leh van a beihmang masang sieh, dân thu a sutvawm neucha ahim, thaihvawm neucha ahim hi a bawna a tunkim masang sieh khatcha hile beimang hiel puo’n a.

MARK 10:14

Himahleh, Isu’n a muh phetin, a ki-awi hiel puoh a, a kawm u ah, “Chapang neucha cha ka kawmah hun sawl un la, haw kiu un, Pathien gam chuh zie tawbang mite a ding hi ahi ngâla.

MARK 9:47

Chun, na mitin a hun sukpuk leh, kheuhdawk mai ah; mit nih nei a Gehen meia paih a um sang chun; mit khat nei a Pathien gama lut nanga dingin a pha zawi.

JOHAN 1:13

Ziete haw chuh thisan hin a hi puou a, phehlevo deihlam a hin ahi puou a pasal deihlam a hin le ahi diek puou a, Pathien hin ahi zawu hi.

JOHAN 1:5

Vak chuh thim lak ah a hung vak a; thim in zie chuh a ngaihsak puoi.

JOHAN 1:51

Isu mah in a kawmah, “Tihtakzet, tihtakzet a ka hun hilh na hiu hi, van kihawng a, Pathien vânsâwlchâkte Mihiem Chapa chunga kum leh kal hun mu’n lau,” a ti a.

JOHAN 12:40

“Pathien in a mit uh a hih dûk a, a lungthimteu a khâk sak a, Khutilochun a mit un mu khau un tin uh, A lunggil un he kha’n au, Tichun, hung kihei kit khau untin, Ken amau haw a na hihdam khang ka,” ti a a na gen ziek hin.

JOHAN 3:4

Nikodem in a kawmah, “Mi, a têk nung in bangti’n a a pien theih ding? A nu gil a nih vei lut in a pieng thei dinga ahim?” a ti a.

2 KORINTH 4:4

Zie khawvel pathien hin a lungthim teu a sukdûk ziekin, a gingcha puou hi. Krista lopina, Pathien batpih ngêi, Chanchin Pha eng chun amau haw a salh theih lohna dingin a siem sek hi.

2 KORINTH 5:17

Zieziekchun, kuole. Krista a um chuh, a kisiemthak a hung hi ta a, thil lui chengcheng chuh a mang ta a, ngaitiem u; a hung thak kit tai!

GALATI 6:15

Siemthak kitna lo chuh, zektan hi bangmah ahi puoh a, zektan loh le bangmah ahi chuom diek puoi.

EPHESI 2:1

Malai khan nang haw le, na sukkhelh u leh na gitloh ziek u a thi na hih lai u khan, a hun sukhin na hiu hi;

DAN NIHNA 29:4

Ahihziekin, tuni tieng hin Lalpa’n hetthiemna lungthimte, muh theihna mitte leh het theihna bilte a hun piek loh na hiu hi.

TITA 3:5

ei uh ei hukdam ta a. Zie chuh eimau mawng in thil I hih phat ziekuh hilo in, himahleh, amah mawng hehpihna chun, Thagau Thiengtho a pienthakna leh hinna thak a chuh ei sil in, ei hukdam I hi tau hi.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

1 JOHAN 2:29

Amah chuh mi diktat a hii tih, na hetuh chun, kuole, thil dik hih chuh, Pathien cha a hii tih na het dinguh ahi.

1 JOHAN 3:9

Kuole, Pathien hin chuh Pathien chi amah a a um ziekin gilo in a um zing zing puoi, Pathien a pieng, hih ziekin gitloh a hih zawm zing zing ta puoi.

1 JOHAN 5:1

Kuole, Isu hi Krista a hii tih gingcha chuh Pathien cha a hi a, kuole, Pa hehpih chun, cha le a hehpih sek hi.

1 JOHAN 5:18

Kuole, Pathien cha hita chun gitloh a hih zingzing ta puoi; Pathien Chapa chun a hum bit sek ziekin. Migilo chun a suna thei puoi.

1 JOHAN 5:4

Pathien chate taphawt chun, khawvel a zo zel ngâl a, ziehi ahi, khawvel zawh a muolsuohna chuh, I taksannau hih.

THUPHUON 3:14

“Chun, Laodikei khuo a sapchuom haw lawi vânsâwlchâk kawm achun hiti hin zik ah: “Amen, taksanum leh hetpih dik, Pathien thilsiem haw bul khan, zie thu haw hi a gen ahi;