JOHAN 3:29 - PATHIEN LEKHABU THIENGTHO (BSI)

²⁹ Moneipa chuh a pasal chuh ahi a, himahlele, pasalpa guolpa, din sa a a thu ngaitha pa chuh, pasal aw a het phat leh, a kipâk mah mah sek hi. Zie chuh ahi, keimah kipahna ngêi le, sukbukim a a um dân sek chuh.

JOHAN 3:29 ပူးပေါင်းရင်းမြစ်များ

SOLOMON LA 3:11

Chiehdawk unla, aw Zion chanute, leng Solomon chuh en un; a khuksak kha, a nu’n lenglukhuk, a zi neih ni a, a lunggil kipahna ni chun.

SOLOMON LA 5:1

Ka huon a ka luta, ka suohpihnu, ka lawinu, Ka murra ka gimlimte tawh ka lakhawm a, ka khuoizu chuh a phâng pum in ka ne a, ka uain ka dâwn a, bâwngnawi tui tawh; Guolte haw, neu inla, dâwn un; hehpihna chuh kham hielin ta’n un,

ISAI 54:5

Nang hun Siempa chuh na pasal hi’n tin; A min chuh Bangakai hihthei Lalpa ahi ngâl a! Israel Pathien Thiengtho chuh na Hukdampa ahi, Amah chuh khawvel pumpi Pathien ahi ngâl a.

ISAI 66:11

Tichun, lungmuonna nawitui chuh na chep u a, na lung-awih theihna dingun; chun, a lopina kiting tak chuh kipâk taka dangno keuh keuh a na dâwn theih na dingun.

JEREMIA 2:2

Chieh inla, Jerusalem zak in kiko inla, Lalpa’n hiti hin a tii, ti’n: “Na khangdawng laia na nunnem zie te; kihuol laia nei hehpih ziete khah ka hezing hi. Gamgaw muntin ale nei zui a, bangmah chin khâk loh na gam haw ale nei zui sek kha.

EZEKIEL 16:8

“Chun na kawma ka hunga ka hun et in, deihchak kham na hung hi ta a, ka puon ka hun kikawppih a, ngawnchang a na um chuh ka hun khuh ta a. Ahi, na kawmah ka kihâksiela, thuthun ah ka hun lut pih ta a, chun, keia na hung hi ta a.” Lalpa Pathien chun a tii.

HOSEA 2:19

Tichun, kumsawt a ka zi dingin hun huol ka ting; Diktak leh ginum takin um ka ting; hehpihna leh lungsietna tawp lo in hun nei zing ka ting, kumlekhuo’n keia dingin hun nei tang ka.

MATTHAI 22:2

“Van gam chuh leng kuo ahim a chapa zi neih ni a guolvakna siem chuh tawh tehkal ahi.

MATTHAI 25:1

“Zie phat chu leh, van gam chuh nungak sawm, a thaumei uh chawia moneipa muok dinga pawtte chu tawh tehkal hi’n a.

MATTHAI 9:15

Isu’n a kawm u ah, “Mo puite kawma a pasal ding a um lai cheng chuh mo puite chun a sun thei u a ahim? Himahlele a pasal ding chuh a kawm u apat puihmang ni hung tung intin, zie tieng chuleh an hun ngâwl un au.

LUKE 15:6

Tichun, In na tun tieng u leh na invengteu na samkhawm u a, ‘Ei lawppih un, ka belam mang kha ka mu kit tai!’ na ti sek ui.

JOHAN 15:11

“Ka kipahna nangmau a a um zing na’n leh, na kipah uh a bukimna’n zie thu haw hi na kawm u a ka gen ahi.

JOHAN 16:24

Tuchan hin, ka min in bangmah na ngên ngâl puou a; ngên un, tichun, hun pie’n a, na kipâk uh a bukim na dingin.

JOHAN 17:13

Himahlele, tuhin, na kawma hung ding kei tai; ka kipahna amau a a bukim theihna dingin, zie thu te hi khawvel kawma ka gen ahi.

JOHAN 3:30

Amah chuh hung pawimawh deuh deuh intin, kei vang chuh hung pawimawh lo deuh deuh ding ka hi.” a ti a.

2 KORINTH 11:2

Pathien thikna’n a puo, nanguh ka hun thik hi; nungak thiengtho; pasal khat maia dinga huol guolin, Krista dinga ka hun huol na hiu hi.

PHILIPPI 2:2

Zieziekchun, lungthim kibanga um in, hehpihna kibang nei in; kithutuok a lungkhata um in, ka kipahna subukim dingin ka hun nget na hiu hi.

1 JOHAN 1:4

Ka lawp uh a bukim theihna dingin, zie thu haw hi na kawm u ah ka hun zikuh ahi.

2 JOHAN 1:12

Na kawm u ah thu tamtak gen ding ka neih ziekin, lehkha leh lehkhatui maia zik ka nuom puoi; ka lawp uh a bukim theihna dingin, na kawmuh a hung a, kimaichangtuoh a holim ka kinep zawk ahi.

THUPHUON 21:9

Chun, belhbu sagih chawi, gawtna nunung pên sagih puo, vânsâwlchâk sagihte laka khat chuh a hung a, ka kawmah, “Khaile, mo, Belamno zi chuh hun etsak ing ka,” ti’n ei hopih a.