JOHAN 3:2 - PATHIEN LEKHABU THIENGTHO (BSI)

² Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

JOHAN 3:2 ပူးပေါင်းရင်းမြစ်များ

1 LENGTE 17:24

Chun, numei chun Elijah kawmah, “Tuzet hin chuh Pathien mi na hi takzet hi, na kam a thu hih thutak ahi tih ka he tai,” a ti a.

ISAI 51:7

Nang haw thil dik hete leh, ka dân thu lungthima vawpte haw, ngaithau in! Mite’n a hun musit uh a, a hun gaih tieng u leh lau kiu in;

JEREMIA 38:16

Khutichun, leng Zedekia chuh a gukcha’n Jeremia kawm achun a kipautiem a, “Lalpa, I hinnau siempa chuh a hin sung cheng chuh hun sulum hiel puo’ng ka ting, na hinna hawlte khut achun le hun pie diek puo’ng ka,” a ti a.

MATTHAI 22:16

Tichun, a sinsakteu, Herod lawi a mite tawh a kawmah a sawl u a, ziete chun, “Sinsakpa, mi diktat na hi a, hilh tak zetin Pathien lampi thu na hilh sek a; kuomah hugin chuom le na nei puoi tih ka heu hi, kuomah maizah chuom le na nei diek puoi.

MATTHAI 23:7

dawlmun a chibai leh, mi’n ‘Rabbi’ a tih hawu chuh a deihchuom sek ngâl u a.

MATTHAI 23:8

Nang haw vang chuh ‘Rabbi’ tih dingin um kiu in, na sinsakpau chuh khat chauh ahi ngâla, zie chuh Krista ahi. Chuleh, nang haw chengcheng le unau na hi ngâl u a.

MARK 12:14

A kawm a tun phet un a kawmah, “Sinsakpa, mi diktat na hi a, kuomah khenchuom na nei puoi tih ka heu a; kuomah khenchuom nei lo in, tihtakzet in Pathien lam thu na sinsak sek hi; Kaisar kawma sieh chawih hi a thieng hi, thieng lo? Ka piek dinguh ahi ka piek loh dinguh?” a tiu a.

JOHAN 1:38

Chun, Isu a kihei a, a hun zuih u chuh a mu a, a kawm u ah, “Banga na hawl uh?” a ti a. Amau chun, “Rabbi, (zie chuh Sinsakpa tihna ahi) hawia um na hi?” a tiu a.

JOHAN 10:38

Amahvang chuh, sem ka hih chun, kei ei gingcha kileu chin le, nasephaw bêk hi gingchau in; Pa, keimah ah a um hi tih leh, Kei, Pa ah ka um hi tih na het u a, na ginchak theih na dingun,” ti’n a dâwng a.

JOHAN 12:37

Zie thilmak chengcheng chuh amau haw umna ngêi ah hih mah lele, a gingcha diek puou hi,

JOHAN 14:10

Kei Pa a ka um leh, Pa keimah a um hi tih gingcha lo na hi maw? Na kawm u a ka thugen hi, keimah phuok kawma ka gen ei puoi; Pa chuh keimah ah a um zing a, zie chun thil a hih zawk sek a hii.

JOHAN 15:24

Thil kuomah hih khâk loh cheng a kawm u ah hih kileng, gilo a thiemmawh kichanna nei lo ding ahiu a, tu’n vang chuh, amau in kei leh Pa chuh ka nih un ei mu tau a, hawt le ei haw a hi tau hi.

JOHAN 2:11

Isu’n, zie a thilmak hih kipatna hi, Galili gam Kana khuo achun a hih a, a lopi zie a latsak a; tichun, a sinsakte’n a gingcha tau hi.

JOHAN 20:16

Isu’n a kawmah, “Mari!” a ti a. Amah chuh a kihei a, a kawmah Hebrai pau in, “Rabboni,” a ti a; (zie chuh “Sinsakpa,” tihna ahi.)

JOHAN 3:26

Khutichun, Johan kawmah a chieh u a, a kawmah, “Rabbi, Jordan gala na kawma um, a thu nei hetsak khan ngaitie, zie pa khan mi a baptist a, mi chengcheng a kawmah a hung ui,” a tiu a.

JOHAN 4:31

Zie kal chun sinsakte chun a kawmah, “Sinsakpa, neh,” a tiu a.

JOHAN 5:36

Himahlele, hetsakna ka neih hi, Johan hetsakna sang khan a lopi zawi: Pa’n thilhih zawh dinga ei piek, ka thilhihte ngêi hin, Pa’n ei sawl a hi tih, ka chanchin a hetpih ahi.

JOHAN 6:2

Damlote chunga thilmak a hih haw a muh ziek u chun mipi nasatak in a zui u a.

JOHAN 7:31

Mipi, abang, tamtak vang chun amah a gingchau a, “Krista chuh a hung tun tieng leh, zie pa hih sanga tam zaw hi thilmak hun hih ding a hi a a hi?” a tiu a.

JOHAN 9:16

Chun, Pharisaite abang in, “Zie pa hi Pathien kawma pawt hi puo’n a a ziek chuh, Chawlhni a nit puoi,” a tiu a. Khenkhatte’n vang chuh, “Migilo in bangti’n a, zie tawbang thilmak hi a hih theih ding?” a tiu a. Khutichun, a laku ah kibungkhenna a hung um ta a.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

NASEPTE 2:22

“Nanguh Israel mite haw, zie thu haw hi zau in! Nazareth Isu, Pathien in amah manga na lak u a thil lopihaw, thilmak haw, melchikna haw a hih ngêi khan, a hun hêtchet sak na hiu hi. Nangmau ngêi in ziehaw khah na he ngâl u a, na lak u a hungtun tâk ziekin.

PHILIPPI 1:14

Chun, Lalpa a suohpih tamzaw te chun le ka bulput zieka taksang det in, lau lo in Pathien thugenna lam achun a hangsan zawsem uh ahi.

VAIHAWMTE 6:27

Khutichun, Gideon in a suokte mi sawm a pui a, Lalpa’n a kawma a gen bang chun a hih ta a; chun hiti hi ahi a, a pa inkawte leh khawpi a mite chuh a kihchak ziekin sun in a hih ngam puoh a, zan in a hih ta a.