JOHAN 3:18 - PATHIEN LEKHABU THIENGTHO (BSI)

¹⁸ Kuole, amah gingcha chuh mawh changin um puo’n au, himahleh, a gingcha lo chuh, tu akipat zieng hin le mawhchang in a um ui; Pathien Chapa changkhat a ginchak loh ziekun.

JOHAN 3:18 ပူးပေါင်းရင်းမြစ်များ

MARK 16:16

A gingcha a baptistma chang chuh hukdam in um intin, a gingcha lo chuh vang mawhchang in um ina.

JOHAN 1:12

Himahlele, amah lawp ta chuh, a kawm u ah Pathien chate hih theihna ding thu a piei, a min gingchate chuh.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

JOHAN 3:36

Kuole, Cha gingcha chun, kumkhuo a hinna a nei a; kuole Cha gingchalo chun hinna nei puou untin, Pathien lungnatna chuh a chungu ah um zing zaw’na, a ti a.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

JOHAN 6:40

Chun, ziehi ka Pa deih bang ahi: kuole, Cha mu a gingcha ta’n kumsawt hinna nei a, chun, ken ni tawp ni leh hinna a ka kaih thawh ding chuh,” a ti a.

JOHAN 6:47

Tihtakzet a ka hilh na hiu, kuole, a gingcha chun, kumsawt a hinna a nei hi.

ROME 5:1

Zieziekchun, taksanna zieka thiemchang I hih tâk ziekun, I Lalpau Isu Krista vangin Pathien tawh kicham I hitau hi.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

ROME 8:34

Kuo a mawh chansak ding? A thi khah Krista Isu ahi ngâl a. Ahi, thihna apat a tho kit a, Pathien changlama um a, ei gensak pa mah kha ahi.

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

HEBRAI 2:3

Hiti lâwm lâwma hukdamna lopi hi thahthawt leuhing, bangti’na I suohchak theih mai zên dinguh? Zie hukdamna chuh a tûngin Lalpa ngêi manga phuon a hi a, zie chuh a zata chun a dik ngêi hi tih, ei sukdet sak uh a.

HEBRAI 3:19

Khutichun, ginchak lohna ziekin a lut thei ta puou hi tih I heu hi.

1 JOHAN 3:23

Chun, a thupiek chuh ziehi ahi, a Chapa Isu Krista ginchak a, Krista thu ei piek banga kihehpih tuoh hih.

1 JOHAN 4:9

Zie taka hin Pathien in a hehpihna chuh I chungu ah a hun sulang tai, amah vanga I hin theihna dinguh a, a Chapa neihsun khawvel a a hun sawl ahin.

1 JOHAN 5:10

Khutichun, kuole Pathien Chapa gingcha ta chun, amah lunggil mawng ah, zie hetpihna chuh a nei hi; kuole, Pathien gingcha lo chun, amah chuh lepchieh a hih sak ahii, Pathien in a Chapa chanchin a hetpih chuh a ginchak loh ziekin.

1 JOHAN 5:12

Kuole, Chapa nei ta chun, hinna chule a nei a, Chapa neilo chun hinna chuh a nei puoi.