JOHAN 3:16 - PATHIEN LEKHABU THIENGTHO (BSI)

¹⁶ Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

JOHAN 3:16 ပူးပေါင်းရင်းမြစ်များ

THILSIEMBUL 22:12

Chun, amah chun, “Naupang chung akhan na khut tha ki’n la, amah kha bangmah lawh kih: na chapa na neih sun le nei piek dinga na it loh ziekin Pathien na kihchai tih tu’n ka he tai,” a ti a.

THILSIEMBUL 22:2

Chun, Pathien in “Na chapa, na chapa neihsun, na lungsiet tak, Isak ngêi kha pui inla, Moriah gam ah chieh in. Zie taka ka hun hilh ding tâng khat achun hâlmang thilpiek in pien,” a ti a.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

MATTHAI 9:13

Khutichun, chieh un la, Pathien lehkhabu a, Kithawihna deihlo in, lungsietna ka deih hi tih umzie hi va mudawk un, mi diktatte sam dinga hung ka hi puoh a, mi gilote sam dinga hung ka hizaw a puo,” a ti a.

MARK 12:6

Chun, chapa khat, a deih tak chuh a nei na lai a, ‘Ka chapa hiel hi chuh a na zah un au,’ ti’n amah chuh a nunung pên in a kawm u ah a sawl a.

LUKE 2:14

“Chungnung pên ah Pathien lopi takin um hen la, Lei chunga a kipahna mah mah mihiemte kawmah cham thu leng hen!” a tiu a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 1:29

Chun, a zing chun, Johan in Isu a kawma hung dingin a mu a, a gen a, “En tiem u, Pathien Belamno, vannuoi gitloh la mang pa khuh!

JOHAN 10:28

Amau haw chuh kumkhuo a hinna ka pie a, thi ngei ta puo’n au. Kuoma’n ka khut apat ei chuhthâk sak ta puo’n au.

JOHAN 3:15

Kuole, a gingcha ta chuh mangthai lo a, amah vanga kumkhuo hinna a neihna dingun.

JOHAN 3:18

Kuole, amah gingcha chuh mawh changin um puo’n au, himahleh, a gingcha lo chuh, tu akipat zieng hin le mawhchang in a um ui; Pathien Chapa changkhat a ginchak loh ziekun.

JOHAN 3:36

Kuole, Cha gingcha chun, kumkhuo a hinna a nei a; kuole Cha gingchalo chun hinna nei puou untin, Pathien lungnatna chuh a chungu ah um zing zaw’na, a ti a.

JOHAN 6:40

Chun, ziehi ka Pa deih bang ahi: kuole, Cha mu a gingcha ta’n kumsawt hinna nei a, chun, ken ni tawp ni leh hinna a ka kaih thawh ding chuh,” a ti a.

ROME 5:10

Melma I hih lai u a bawn, a Chapa thihna vanga Pathien tawh na kichamsa I hih chun, kichama I um tâk nung u hin, a hinna vangin hukdam in um ngêi hitiu.

ROME 5:8

Himahlele, Pathien chun a mi hehpihna chuh pahchak takin ana latsak a, migilo I hih lai u a, Krista I sik u a a thih ziek khan.

ROME 8:32

Amah chapa ngêi le sit lo a I bawn u a sika piepa chun. thil chengcheng le a thawn in ei pie tello ding ahi a ahim?

EPHESI 2:4

Himahlele. Pathien chun khuotuohna a hau a, a mi hehpihna nasatak ziek khan,

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

TITA 3:4

Himahlele, Pathien, I Hukdampau nunnemna leh hehpihna chuh a hung kiphuon phet chun,

HEBRAI 2:9

Himahlele, Isu chuh, Pathien hehpihna zieka mitin a dinga thi a hih theihna dingin, chawmkhat sung maia dingin vânsâwlchâkte sanga nuoinung zaw deuha siem in I muu hi. Tuhin vang chuh, thihna thuokna zieka lopina leh limbawlna lallukhuk chuh khuk saka um in I mu zaw tau ahi.

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.

1 JOHAN 4:19

Pathien in eihaw ei hehpih masak ziekin, amah I hehpih uh ahi.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,