JOHAN 3:15 - PATHIEN LEKHABU THIENGTHO (BSI)

¹⁵ Kuole, a gingcha ta chuh mangthai lo a, amah vanga kumkhuo hinna a neihna dingun.

JOHAN 3:15 ပူးပေါင်းရင်းမြစ်များ

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

JOHAN 6:40

Chun, ziehi ka Pa deih bang ahi: kuole, Cha mu a gingcha ta’n kumsawt hinna nei a, chun, ken ni tawp ni leh hinna a ka kaih thawh ding chuh,” a ti a.

JOHAN 3:36

Kuole, Cha gingcha chun, kumkhuo a hinna a nei a; kuole Cha gingchalo chun hinna nei puou untin, Pathien lungnatna chuh a chungu ah um zing zaw’na, a ti a.

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

1 JOHAN 5:1

Kuole, Isu hi Krista a hii tih gingcha chuh Pathien cha a hi a, kuole, Pa hehpih chun, cha le a hehpih sek hi.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

ISAI 45:22

Khawvela ning tin apat ka kawmah hung unla, hukdam in um un. Kei hi Pathien ka hi a, a dang himhim a um puoi.

JOHAN 6:47

Tihtakzet a ka hilh na hiu, kuole, a gingcha chun, kumsawt a hinna a nei hi.

JOHAN 1:12

Himahlele, amah lawp ta chuh, a kawm u ah Pathien chate hih theihna ding thu a piei, a min gingchate chuh.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

LUKE 19:10

Mangthaite hawla hukdam dingin, Mihiem Chapa hi hung ahi him hi,” a ti a.

GALATI 2:16

Himahleh, Dan thilhih ziekin mi, hukdam in a um puoh a, Isu Krista taksanna ziek mai in mi, thiemchang a um ahi zawu hi tih, I he ngâl uh a. Eihaw’n le, Dan thilhih ziek hilo in, Krista taksanna zieka thiem changa I um theihna dingun, Krista chuh I ginchak uh ahi ngâl a. Dan thilhih haw ziekin kuomah, thiem chang himhim um ding ahi puoh ngâl a.

1 JOHAN 2:25

Chun, ziehi ahi, Krista mawng in thu ei tiem khah, kumsawt a hinna hih.

HEBRAI 10:39

Eihaw vang nungchawn a mangthai ding mi I hi puou a; taksanna nei a hukdam I hi ngâl uh a.

NASEPTE 8:36

Chun, lampi a a chieh lai u chun, tui umna mun khat hi a tung u a, chun, mitilgeh chun, “Entie! taka hin tui a um, baptistma channa ding bangin ei dal hi?” a ti a.

MARK 16:16

A gingcha a baptistma chang chuh hukdam in um intin, a gingcha lo chuh vang mawhchang in um ina.

GALATI 2:20

Krista kawmah khetdên in ka um ta a, himahlele, ka hing hi, himahleh, keimah vang ka hi ta puoh a; Krista chuh keimah ah a hing zaw tai. Zie hinna, tu a ka hinna mawng hi, Pathien Chapa, ei lungsiet a keia dinga A hinna piepa taksanna mah achun ka hing ta ngâla.

2 KORINTH 4:3

Himahlele, Chanchin Pha ka gen sek uh hi, khuha a um chun, beimang dingte achun ahi, khuha a um sek.

1 KORINTH 1:18

Kross thu chuh mangthaite dingin ngawlhuoi ahi a, himahleh, ei uh hukdam a um laite dingin Pathien thilhih theihna ahi.

ROME 5:21

Gitlohna’n thihna a vai a hawm guol mah in, lungsietna chun diktatna’n, kumkhuo hinna chan theihna khawp in I Lalpau Isu Krista zal chun vai a hawm tai.

NASEPTE 13:41

‘Mi musitte haw, en un, Mak sau inla, beimang un; Na damsung un thil khat ka hih a, Zie chuh mi’n hun hilh mahleu le, Gingcha hiel puo’n lau, tih khah!’” a ti a.

MATTHAI 18:10

“Zie mi neucha haw laka khat hile musit lo dingin chingthei un;

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

KISIMNA 21:9

Khutichun Mosi chun sumeng gûl lim a siem a, khuom ah a khâi ta a; kuole, gûl chuk taphawt chun sumeng gul lim chuh a et u leh, a dam zel tau hi.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.